केंद्रीय गृहमंत्री अमित शहा सध्या महाराष्ट्र दौऱ्यावर आहेत. रविवारी त्यांनी मुंबईत महायुतीतील घटकपक्षांची बैठक घेतली. या बैठकीत जागावाटपावर चर्चा झाली. आज अमित शहा मुंबईतील प्रसिद्ध गणपती लालबागचा राजाचे दर्शन घेणार आहे. दर्शनापूर्वी त्यांनी मुख्यमंत्री एकनाथ शिंदे यांच्या वर्षा या शासकीय निवासस्थानी भेट दिली. यावेळी अमित शहांच्या हस्ते गणपती बाप्पाची आरती करण्यात आली.

यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार तसेच महायुतीतील इतर महत्वाच्या नेत्यांची प्रमुख उपस्थिती होती. वर्षा बंगल्यावरील गणपतीचे दर्शन घेतल्यानंतर अमित शहा हे उपमुख्यमंत्री देवेंद्र फडणवीस यांच्या सागर बंगल्याकडे रवाना झाले.

सागर बंगल्यावरील बाप्पाची देखील अमित शहा यांच्या हस्ते आरती होणार असून यानंतर ते लालबागच्या राज्याच्या दर्शनासाठी रवाना होतील. अमित शहा लालबागमध्ये दाखल होत असल्याने परिसरात पोलिसांना तगडा बंदोबस्त तैनात करण्यात आला आहे.