विधिमंडळाचे अधिवेशन सुरू आहे. या अधिवेशनासाठी उद्धव ठाकरे हे नागपूरमध्ये दाखल झाले आहे. यानंतर त्यांनी पत्रकार परिषद घेत सत्ताधारी आणि केंद्रीय गृहमंत्री अमित शहांवर जोरदार हल्लाबोल चढवला.

लोकसभेत अमित शहांनी केलेल्या टीकेला उद्धव ठाकरेंनी नागपुरात जोरदार प्रत्युत्तर दिलं आहे. अमित शहांनी मला हिंदुत्व शिकवू नये असं म्हणत ठाकरेंनी केंद्रीय मंत्री किरण रिजिजू यांच्या गोमांस सेवनाबाबतच्या जुन्या विधानाचा दाखला दिला.

रिजिजू गोमांस खातात हे त्यांनीच कबूल केलंय, मग त्यांच्यासोबत जेवताना शहांचं हिंदुत्व कुठे जातं? असा सवाल ठाकरेंनी उपस्थित केला. तसंच शहांच्या बुडाखाली हिंदुत्वाचा अंधार आहे असा टोलाही त्यांनी लगावला. वंदे मातरमच्या मुद्द्यावरूनही त्यांनी शहांना लक्ष्य केलं.