महायुतीमधील अंतर्गत नाराजीचा बॉम्ब मंगळवारी फुटला आणि त्याचा परिणाम थेट झालेल्या मंत्रिमंडळावर झाला. शिंदे गटातील सर्व मंत्र्यांनी या बैठकीवर बहिष्कार टाकत आपली नाराजी व्यक्त केली. यानंतर उपमुख्यमंत्री एकनाथ शिंदे यांनी थेट दिल्ली गाठत गृहमंत्री अमित शाह यांची भेट घेतली. यावरच उद्धव ठाकरे यांनी खिल्ली उडवली. उद्धव ठाकरे यांनी महाराष्ट्राचे उपमुख्यमंत्री एकनाथ शिंदे यांच्या दिल्ली दौऱ्यावर जोरदार टीका केली आहे.

त्या वयात चांगलं शिक्षण मिळालं असतं, तर लाचारीची ही परिस्थिती आली नसती, अशा शब्दात उद्धव ठाकरे यांनी शिंदे यांना टोला लगावला आहे. बाबा मला मारलं म्हणून कोणीतरी दिल्लीला गेलं,' असे म्हणत त्यांनी शिंदे यांच्यावर निशाणा साधला. आयुष्यात चांगले शिक्षक आणि चांगले शिक्षण मिळाले नाही की काय होते, हे सध्या दिसत आहे, असेही ते म्हणाले. ज्यांना 'मशाली'चे महत्त्व कधीच कळले नाही, असे 'देवटे' आता निघाले आहेत, अशा शब्दांत त्यांनी शिंदे गटावर टीका केली.