मुंबईमध्ये हिंदी आणि मराठी भाषेवरून पुन्हा एकदा राजकारण तापल्याचे पाहायला मिळत आहे. ठाकरे गटाने रविवारी दुपारी आझाद मैदानावर महाराष्ट्र सरकारने जारी केलेल्या जीआरची होळी करून तीव्र निषेध व्यक्त केला आहे. शिवसेना ठाकरे गटाचे पक्षप्रमुख उद्धव ठाकरे यांनी टराटरा हा जीआर फाडून निषेध केला. यावेळी ठाकरे गटाचे खासदार संजय राऊत, आमदार आदित्य ठाकरे आणि मनसेचे नितीन सरदेसाई उपस्थित होते. तसेच उपस्थितांकडून मुंबई आमच्या बापाची नाही कुणाच्या बापाची अशी घोषणा देण्यात आली.