अमेरिकेने लागू केलेल्या नव्या टॅरिफ धोरणामुळे कोकणातील मच्छिमार आणि कोळंबी उत्पादक संकटात सापडले आहेत. नव्या धोरणानुसार कोळंबीवर तब्बल २६ टक्के निर्यात शुल्क आकारण्यात येणार आहे, ज्याचा थेट परिणाम कोळंबीच्या निर्यातीवर झाला आहे.

कोळंबी साठी अमेरिका ही सर्वात मोठी बाजारपेठ मानली जाते. विशेषतः वन्नामेई जातीच्या कोळंबीला तिकडे सर्वाधिक मागणी आहे. एका किलोमागे जवळपास ५० कोळंबींचं प्रमाण निर्यात केलं जातं. मात्र निर्यात शुल्क वाढल्यामुळे कोळंबीची किंमत अमेरिकी ग्राहकांसाठी अधिकच वाढली आहे, आणि परिणामी कोळंबीची निर्यात मोठ्या प्रमाणात घटली आहे.