Indian Nationals : अमेरिका रिटर्न १०४ भारतीयांच्या हाता-पायात बेड्या| Video

अमेरिकेने १०४ भारतीयांना परत पाठवलं आहे. १०४ स्थलांतरितांना घेऊन अमेरिकन लष्करी विमान बुधवारी अमृतसर विमानतळावर उतरलं. मात्र ज्यावेळी या विमानातून भारतीय प्रवासी बाहेर पडले, तेव्हा त्यांच्या हातात आणि पायात बेड्या होत्या. त्यामुळे सर्वांनाच धक्का बसला आहे. या विमानात हरियाणा आणि गुजरातमधील प्रत्येकी ३३, पंजाबमधील ३०, महाराष्ट्र आणि उत्तर प्रदेशमधील प्रत्येकी ३ आणि आणि चंदीगडमधील २ भारतीय होते. डोनाल्ड ट्रम्प यांनी स्थलांतरितांना मायदेशी पाठवण्याचा निर्णय घेतल्यानंतर १०४ भारतीयांना घेऊन बुधवारी अमेरिकेचं लष्करी विमान अमृतसरच्या विमानतळावर दाखल झालं. यावेळी सर्व भारतीयांच्या हातात आणि पायात बेड्या घातलेल्या होत्या. त्यामुळे भारतीयांकडून संताप व्यक्त केला जात आहे.