सागर आव्हाड, साम टीव्ही

पुणे: उन्हाळ्याच्या सुट्ट्या लागल्या आहेत तुम्ही देखील वॉटर पार्क आणि एडवेंचर क्लब मध्ये जात असाल तर काळजी घ्या. कारण पुण्यातील भोर तालुक्यात राजगड वॉटर स्पोर्ट मध्ये झायपिंग करत असताना स्टूलवरुन पडल्याने तरल आटपाळकर या २८ वर्षीय तरुणी ३० फूट खाली पडलीय. ज्यात तिला जीव गमवावा लागला आहे. याप्रकरणी राजगड पोलीस ठाण्यात पोलिसांनी राजगड वॉटर स्पोर्टचे मालक आणि मॅनेजर याच्यासह सात जणांच्या विरोधात गुन्हा दाखल केला आहे. यामध्ये सुरक्षा विषयाची खबरदारी घेतली होती का नाहीं? याचा तपास पोलिसांकडून केला जात आहे. संबंधित तरुणी ही कुटुंबासोबत या ठिकाणी आलेली होती. अशी माहिती पोलीस अधीक्षक पंकज देशमुख यांनी दिली आहे.