माणिकराव कोकाटे यांच्या अटकेसाठी नाशिक पोलिसांची विशेष टीम लवकरच मुंबईत दाखल होणार आहे. कोकाटेंवर कारवाई करण्यासाठी पोलीस पथक मुंबईकडे रवाना झाले असून यामध्ये 3 वरिष्ठ अधिकारी, आणि 20 पोलिस अंमलदार यांचा समावेश आहे.

सध्या माणिकराव कोकाटे हे मुंबईतील लीलावती रुग्णालयात उपचार घेत असून पोलिसांकडून त्यांच्या हालचालींवर बारकाईने नजर ठेवण्यात येत आहे. न्यायालयाच्या आदेशानुसार कोणत्याही क्षणी कोकाटेंना अटक होण्याची शक्यता वर्तवली जात आहे.

दरम्यान अटक वॉरंट बजावण्यासाठी आवश्यक ती सर्व प्रक्रिया पूर्ण करण्यात आली असून नाशिक पोलिस मुंबईत पोहोचताच पुढील कारवाई केली जाणार आहे. या घडामोडींमुळे राज्याच्या राजकारणात मोठी खळबळ उडाली आहे.