यवतमाळ : उपमुख्यमंत्री एकनाथ शिंदे हे आज यवतमाळमध्ये आभार दौऱ्यावर होते. यावेळी ठाकरे गटाच्या कार्यकर्त्यांनी ,शेतकऱ्यांना कर्जमाफी, लाडक्या बहिणींना 2100 रूपये मिळालेच पाहिजे. या घोषणा देत ठाकरे गटाचे जिल्हाप्रमुख प्रवीण शिंदे यांच्या नेतृत्वात महायुती सरकार विरोधात जोरदार घोषणाबाजी करत ठाकरे गटाच्या पदाधिकाऱ्यांनी शहरातील संविधान चौकात जोरदार आंदोलन केले. हे सरकार फसव आहे.निवडणुकीच्या आधी शेतकऱ्यांना कर्जमाफी देऊ तसेच लाडक्या बहिणीना 2100 रुपये देऊ असे आश्वासन दिले होते.

मात्र आता हे सरकारच सांगत आहे की शेतकऱ्यांना आम्ही कर्जमाफी देणार नाही म्हणून आम्ही हे उग्र आंदोलन करत आहोत अशी प्रतिक्रिया प्रवीण शिंदे यांनी दिली. काहीवेळा पूर्वी एकनाथ शिंदे यांनी उद्धव ठाकरेंवर वक्फ विधेयकवरून टीका केली होती. यावरच यवतमाळच्या जिल्हाप्रमुखाने एकनाथ शिंदे यांच्यावर सडकून टीका केली. एकनाथ शिंदे यांचा राजकीय जन्म हा मातोश्रीवर झाला आहे. त्यामुळे बाळासाहेब ठाकरे यांच्या चिरंजीवला यांनी हिंदुत्व शिकवू नये अशा शब्दात ठाकरे गटाच्या नेत्यांनी केली.