मुंबई महानगरपालिका निवडणुकीच्या पार्श्वभूमीवर ठाकरे कुटुंबातील राजकीय हालचालींना वेग आला आहे. ठाकरे सेनेचे प्रमुख उद्धव ठाकरे हे आज मनसे अध्यक्ष राज ठाकरे यांच्या शिवतीर्थ निवासस्थानी भेटीसाठी पोहोचले आहेत.

गेल्या चार तासांपासून ठाकरे बंधूंमध्ये बंद दाराआड सखोल चर्चा सुरू आहे. या बैठकीत मुंबई महापालिका निवडणुका, आगामी प्रचार रणनीती, संयुक्त सभा आणि राजकीय समन्वय यावर चर्चा होत असल्याची माहिती सूत्रांकडून मिळते आहे.

यासोबतच दोन्ही पक्षांतील नाराज आणि बंडखोर नेत्यांना शांत करण्यासाठी कोणती भूमिका घ्यायची, यावरही ठाकरे बंधूंमध्ये मंथन सुरू असल्याची शक्यता वर्तवली जात आहे.