बिहारमध्ये कोण सत्ता स्थापन करणार याचा आज फैसला होणार आहे. बिहार विधानसभेच्या 243 जागांसाठी 2 टप्प्यात रेकॉर्डब्रेक मतदान झालं होतं. पहिल्या टप्प्यात 65 तर दुसऱ्या टप्प्यात तब्बल 69.90 टक्के मतदान झालं. याचा फायदा कोणाला होणार? नितीश कुमार पुन्हा येणार की तेजस्वी यादव यांच्या नेतृत्वाखालील महाआघाडी सत्ता स्थापणार हे आज स्पष्ट होईल. सकाळी मतमोजणी सुरू झाली असून, दुपारपर्यंत बिहारमध्ये कोणाची सत्ता हे स्पष्ट होईल.

तर राघोपूर विधानसभा मतदार संघातून तेजस्वी यादव हे केवळ 219 मतांनी आघाडीवर आहेत. तेजस्वी यांना महागठबंधनने बिहारचा मुख्यमंत्रीपदाचा चेहरा म्हणून घोषित केले होते. मात्र येणाऱ्या आकडेवारीमुळे बिहारमध्ये काय निकाल लागतो हे पाहणे महत्वाचे ठरणार आहे.