लोकसभा निवडणूक संपल्यानंतर आता विधानसभा निवडणुकांसाठी सर्वच पक्षांची जय्यत तयारी सुरु आहे. प्रत्येक पक्षातले कार्यकर्ते आपला पक्ष मोठ्या होण्यासाठी प्रयत्न करत आहे. राजू शिंदे ह्यांनी नाराज आहोत अशी कबुली दिली होती मी पक्ष सोडून ठाकरे गटात जाणार असल्याचं शिंदे यांनी सागितलं होतं. अशातच आज रावसाहेब दानवे आणि राजू शिंदे यांच्यात चर्चा झाली. भाजपमधील पडझड सुरु झाली का अशी भिती स्थानिक नेत्यांना आणि राज्यस्तरिय नेत्यांना वाटू लागली आहे. रावसाहेब दानवेंकडून राजू शिंदे यांची मनधरणी करण्याचा प्रयत्न केला जात आहे. आपण त्यांना तातडीने विमानतळावर भेटण्यासाठी आलो होतो बाकी काही नाही आणि आमच्या दोघात चर्चा देखील झाली असल्याचं दानवे म्हणाले. त्यामुळे संभाजीनगर च्या भारतीय जनता पार्टीतला एकही कार्यकर्ता कुठे जाणार नाही असं रावसाहेब दानवे म्हणाले आहेत. मी राजू शिंदे यांच्या सह सर्व नगरसेवकांशी चर्चा केली त्यामुळे असला कोणताही प्रकार होणार नाही. राजीव शिंदे यांच्या मनात ठाकरे गटात जाण्या संदर्भात काही नसल्याचं दानवे यांनी सांगितलं आहे.