Maharashtra News Live Update : भाजप मुंबई अध्यक्ष आमदार अमित साटम यांची उद्या पत्रकार परिषद

Marathi Breaking Live Headlines Updates : शिवसेना सुनावणी, पूर्णेकर हत्या प्रकरण,मनोज जरांगे, ज्ञानेश कुमार निवडणूक आयोग, हवामानाचे अपडेट, अर्णब चक्रीवादळ, देश- विदेशातील महत्वाच्या घडामोडी वाचा एका क्लिकवर...
Maharashtra News Live Update
Maharashtra News Live UpdateSaam Tv News
Published On: 

भाजप मुंबई अध्यक्ष आमदार अमित साटम यांची उद्या पत्रकार परिषद

उद्या शुक्रवार दि. 30 ऑक्टोबर 2026 रोजी

भाजपा मुंबई अध्यक्ष आमदार अमित साटम यांची सकाळी 9.30 वाजता

भाजप मुख्य प्रवक्ते नवनाथ बन यांची सकाळी 10.30 वाजता

पत्रकार परिषद आयोजित करण्यात आली आहे.

पाणी नियोजनाच्या बैठकीत माजी खासदार संजयकाका पाटलांचा रौद्रअवतार

सांगलीत पार पडलेल्या कालवा सल्लागार समितीच्या बैठकीत माजी खासदार संजयकाका पाटलांचा रौद्ररूप पाहायला मिळाला, कृष्णा नदीचे पाणी अडवण्यावरून संजयकाका पाटलांनी,

साताऱ्याचे पालकमंत्री शंभूराजे देसाई यांच्यावर संताप व्यक्त केला.. जलसंपदा मंत्री राधाकृष्ण विखे-पाटील यांच्या उपस्थितीमध्ये कोयना धरणा पाणी वाटप नियोजना संदर्भात कृष्णा खोरे कालवा सल्लागार समितीची बैठक पार पडली.. बैठकीला मध्ये साताऱ्याचे पालकमंत्री शंभूराज देसाई ऑनलाइन प्रणालीद्वारे सहभागी झाले होते.. बैठक सुरू झाल्यानंतर कृष्णा नदीचे पाणी अडवण्यात येत असल्याचा आरोप सांगली जिल्ह्यातल्या सर्वच लोकप्रतिनिधींनी केला,यावेळी माजी खासदार संजयकाका पाटलांनी भर बैठकीमध्ये कृष्णा नदीचा पाणी अडवल्याच्या कारणातून संताप व्यक्त करत पाणी अडवणारे हे कोण ? असा निशाणा मंत्री शंभूराज देसाई यांच्यावर साधला.

आकर्षक विद्युत रोषणाईने सजला पुण्यातील लक्ष्मी रस्ता

सणसुदीच्या काळात चैतन्याचे वातावरण निर्माण होऊन ग्राहकांतही उत्साह संचारतो आणि व्यापार वृद्धीसाठी त्याचा फायदाही होतो. पुढील काही दिवसांमध्ये दिवाळी आहे आणि याच पार्श्वभूमीवर यंदा ‘पुणे व्यापारी महासंघा’ने शहरातील लक्ष्मी, बाजीराव आणि कुमठेकर या प्रमुख व्यावसायिक रस्त्यांवर विद्युत रोषणाई केली आहे. या विद्युत रोषणाई चे उद्घाटन आज पुणे महालिकेचे आयुक्त नवल किशोर राम आणि पुणे व्यापारी महासंघाचे अध्यक्ष फतेहचंद रांका यांनी केली. दिवाळी निमित्त सध्या पुण्यातील बाजारपेठांमध्ये खरेदीसाठी लगबग सुरू झालीय. वीज जोडणी करताना कोणालाही विजेचा धक्का बसणार नाही, याची खबरदारी देखील घेण्यात आली आहे. तब्बल २.५ किलोमीटर लांब असलेल्या लक्ष्मी रस्त्यावर ही विद्युत रोषणाई टिपण्यासाठी नागरिकांची गर्दी होतेय

आज मुख्यमंत्री देवेंद्र फडणवीस आणि ठाकरे बंधू एकाच मंचावर पाहिला मिळणार

महाराष्ट्राच्या हास्यरेषा’ पुस्तकाचे आज प्रकाशन सोहळा.

या कार्यक्रमाला मुख्यमंत्री देवेंद्र फडणवीस, उद्धव ठाकरे आणि राज ठाकरे यांची प्रमुख उपस्थिती.

दादरच्या शिवाजी पार्क येथील स्वातंत्र्यवीर सावरकर स्मारक सभागृहात सोहळ्याचे आयोजन.

ज्येष्ठ व्यंगचित्रकार प्रशांत कुलकर्णी संपादित पुस्तकाचे ग्रंथालीकडून प्रकाशन होणार.

मराठी व्यंगचित्रकलेचा शंभर वर्षांचा प्रवास पुस्तकातून उलगडणार.

थोड्याच वेळात कार्यक्रमाला होणार सुरवात

स्वाभिमानी संघटनेने ऊस वाहतूक करणाऱ्या २० ते २५ बैलगाड्यांचे टायर फोडले..

सांगलीच्या वाळवा तालुक्यातील नवेखेड येथे बोरगाव वाळवा हायवे रोडवर ऊसदराच्या प्रश्नावरून स्वाभिमानी शेतकरी संघटनेने आक्रमक भूमिका घेत हुतात्मा किसन अहिर सहकारी साखर कारखाना आणि राजारामबापू सहकारी साखर कारखान्याची ऊसतोड बंद पाडली. यावेळी ऊस वाहतूक करणाऱ्या २० ते २५ बैलगाड्यांचे टायर फोडण्यात आल्याने परिसरात काही काळ तणावाचे वातावरण निर्माण झाले. उसाला प्रतिटन 4 हजार 500 रुपये पहिली उचल मिळावी, या मागणीसाठी संघटनेने हे आंदोलन केले.

संस्थाचालकांचे गुलाम असणाऱ्या शिक्षकांनी, शिक्षक आमदार निवडून दिले-लक्ष्मण हक्के

राज्यातील पदवीधर आणि शिक्षक मतदार संघाच्या निवडणुक निकालावरून ओबीसी नेते लक्ष्मण हाके यांनी सरकार आणि शिक्षकांवर जोरदार टीका केली आहे.

महायुतीने शिक्षण संस्थाचालक हाताशी धरले आहेत,आणि संस्थाचालकांचे गुलाम असणाऱ्या शिक्षकांनी शिक्षक आमदार निवडून दिले आहेत.. गुलाम आणि लाखो रुपयांचं पगार असणाऱ्या शिक्षकांनी पैसे घेऊन,शिक्षक आमदार निवडले आहेत.. असे विधान ओबीसी नेते लक्ष्मण हक्के यांनी केले आहे.. राज्यातील पदवीधर सरकारवर प्रचंड चिडला आहे.. त्याचे प्रत्यंतर निवडणुकीत पाहायला मिळाली असून पदवीधर निवडणुकीच्या माध्यमातून पदवीधरांनी सरकारला सणसणीत कानाखाली लगावली आहे.. अशी टीका हक्के यांनी केली आहे, ते सांगलीत बोलत होते..

परदेश अभ्यास दौऱ्यासाठी निवड झालेल्या शेतकऱ्यांना २ नोव्हेंबर रोजी उपस्थित राहण्याचे आवाहन

राज्य शासनाच्या सन २०२६-२७ मधील शेतकऱ्यांसाठीच्या परदेश अभ्यास दौरा योजनेंतर्गत निवड झालेल्या शेतकऱ्यांनी २ नोव्हेंबर रोजी सकाळी ११ वाजता पुणे येथील महाराष्ट्र राज्य उच्च माध्यमिक शिक्षण मंडळाच्या विभागीय मंडळ कार्यालयातील पाठीमागील इमारत, शिवाजीनगर येथे उपस्थित राहावे, असे आवाहन जिल्हा अधीक्षक कृषी अधिकारी वैभव तांबे यांनी केले आहे.

प्रदीप पुर्णेकरांच्या हत्येचे राजकारण करणे दुर्दैवी, एकनाथ शिंदे यांची भूमिका

प्रदीप पुर्णेकर यांच्या हत्येची घटना अत्यंत दुर्दैवी आणि दुःखद आहे; मात्र घटनेचे राजकारण होणे त्याहून जास्त दुर्दैवी असल्याचे मत उपमुख्यमंत्री एकनाथ शिंदे यांनी आज ठाण्यात बोलताना व्यक्त केले. शिवसेना पुर्णेकर कुटुंबियांच्या पाठीशी ठामपणे उभी असून, या घटनेची निष्पक्ष चौकशी करण्याचे निर्देश आपण घटना घडल्यावर तत्काळ ठाणे पोलीस आयुक्तांना दिले असल्याचे उपमुख्यमंत्री एकनाथ शिंदे यांनी स्पष्ट केले.

स्थानिक स्वराज्य संस्थांच्या निवडणुकांबाबत सुप्रीम कोर्टात महत्त्वाची सुनावणी

२११ नगरपंचायती, २० जिल्हा परिषदा आणि २ महानगरपालिकांच्या निवडणुकांचा प्रश्न.

ओबीसींचे २७ टक्के आरक्षण कायम ठेवून निवडणुका घेण्याचा मार्ग मोकळा झाल्याचा ॲड. मंगेश ससाणे यांचा दावा.

मागील निर्णयानुसार अंतिम न्यायालयीन निर्णयाच्या अधीन राहून निवडणुका घेण्याची प्रक्रिया पुढे जाणार.

आज संध्याकाळपर्यंत सुप्रीम कोर्टाचा आदेश येण्याची शक्यता, अशी माहिती ॲड. मंगेश ससाणे यांनी दिली.

दुष्काळाच्या पार्श्वभूमीवर कोयना व वारणा धरणाच्या पाणी वातपासंदर्भात सांगलीत कालवा समितीची बैठक

सांगली,कोल्हापूर आणि सातारा जिल्ह्यातील दुष्काळाच्या पार्श्वभूमीवर कोणा धरणातील पाणी वाटपाच्या नियोजना संदर्भात सांगलीमध्ये जलसंपदा मंत्री राधाकृष्ण विखे-पाटील यांच्या अध्यक्षतेखाली कृष्णा खोरे कालवा सल्लागार समितीची बैठक पार पडत आहे, सांगली पालकमंत्री चंद्रकांत पाटील यांच्यासह आमदार जयंत पाटील आमदार विश्वजीत कदम,खासदार विशाल पाटील, आमदार गोपीचंद पडळकर यांच्यासह जिल्ह्यातील आमदार व जलसंपदा विभागाचे अधिकारी उपस्थित आहेत.डिसेंबर अखेर रब्बी हंगाम आणि पाण्याच्या नियोजना संदर्भात प्रामुख्याने बैठकीमध्ये चर्चा सुरू झाली आहे.बैठकच्या सुरुवातीला राधाकृष्ण विखे पाटलांनी पाटलांनी नियोजना संदर्भत सादरीकरणावरून पाटबंधारे विभागाच्या अधिकाऱ्यांना सुनावले.पाउस पाणी याबाबत तांत्रिक गोष्टी सादर करताना बाकीच्या गोष्टी नको, नियोजन काय सांगा अश्या शब्दात सुनावले आहे.

आईला टार्गेट करतायत? नवऱ्याच्या मुलाची बाजू घेतली म्हणून! |Ram Purnekar

राम पूर्णेकर यांनी आईला टार्गेट केलं जात असल्याचा आरोप केलाय. नवऱ्याच्या मुलाची बाजू घेतली म्हणून आईला लक्ष्य केलं जात असल्याचं त्यांनी म्हटलंय. नेमकं काय म्हणाले राम पूर्णेकर?

ऊसाला ५ हजार रुपये पहिली उचल द्या; विठ्ठलराव शिंदे कारखान्याचे गाळप बंद पाडले

ऊसाला पहिली उचल ५ हजार रुपये जाहीर करावी, या मागणीसाठी सोलापूर जिल्ह्यातील ऊस दर संघर्ष समिती आक्रमक झाली आहे.

रयत क्रांती संघटनेचे प्रदेश कार्याध्यक्ष दीपक भोसले यांच्या नेतृत्वाखाली शेकडो कार्यकर्त्यांनी आज पंढरपूर जवळील करकंब येथील विठ्ठलराव शिंदे सहकारी साखर कारखान्याचे गाळप बंद पाडले. दुपारपासून कारखान्याचे गाळप बंद झाल्याने ऊस वाहतूक आणि तोडणी पूर्णपणे ठप्प झाली आहे.

पुण्यातील अ‍ॅक्सेंचर आयटी कंपनीतील तरुणाच्या आत्महत्येप्रकरणी बिहारमधून दोघांना अटक

मगरपट्टा येथील नामांकित आयटी कंपनीत काम करणाऱ्या २२ वर्षीय शिखर सक्सेना याने इमारतीच्या २७ व्या मजल्यावरून उडी मारून आत्महत्या केली होती. या प्रकरणात खराडी पोलिसांनी बिहारमधून दोघांना अटक केली आहे. शिखरला बनावट सोशल मीडिया खात्यांच्या माध्यमातून ब्लॅकमेल करून १ लाख ७७ हजार रुपये उकळल्याचा आरोप आहे. तसेच त्याला ड्रग्ज आणि मुलींसंदर्भातील खोट्या प्रकरणात अडकवण्याची धमकी दिल्याचेही समोर आले आहे.

ओंबासे यांना लाचलुचपत प्रतिबंधक विभागाने पकडलं

पिंपरी- चिंचवड महानगर पालिकेचे मुख्य अभियंता प्रमोद ओंबासे यांना लाचलुचपत प्रतिबंधक विभागाने पकडलं आहे. ठेकेदाराला काम मिळवून देण्यासाठी 19 हजारांची लाच मागितली होती. तक्रारदार यांनी याबाबत एसीबी ला माहिती दिली होती. यावरून त्यांना आज पैशांची मागणी करत असताना पकडले.

डॉ.प्रतापसिंह पाटील यांच्या विजयाचा देगलूरमध्ये जल्लोष

मराठवाडा पदवीधर मतदारसंघाच्या निवडणुकीत महाविकास आघाडीचे राष्ट्रवादी शरद पावर गटाचे उमेदवार डॉ. प्रतापसिंह पाटील यांनी विजय मिळवला.त्यांच्या या विजयानंतर नांदेड जिल्ह्यातील महाविकास आघाडीच्या गोटात आनंदाचे वातावरण पसरले आहे.नांदेडच्या देगलूर शहरात महाविकास आघाडीच्या वतीने प्रताप सिंह पाटील यांच्या विजयाचा आनंद उत्सव साजरा करण्यात आला. देगलूर शहरातील लोकशाहीर आण्णाभाऊ साठे चौकात फटाके फोडून आणि मिठाई वाटप करून विजयाचा जल्लोष करण्यात आला.यावेळी महाविकास आघाडीतील सर्वच पक्षातील पदाधिकारी कार्यकर्ते मोठ्या संख्येने या आनंद उत्सवात सहभागी झाले होते.

विधानपरिषदेच्या पदवीधर व शिक्षक मतदारसंघांच्या पाच जागांचे निकाल जाहीर

पुणे विभाग पदवीधर मतदारसंघात हर्षदा देशमुख जाधव यांना 1,13,840 मते मिळाली. भाजपच्या डॉ. स्मिता योगेश जाधव यांना 1,03,912 मते मिळाली.

नागपूर विभाग पदवीधर मतदारसंघात काँग्रेसचे अभिजित गोविंदराव वंजारी यांना 67,231 मते मिळाली. भाजपचे सुधाकर विठ्ठलराव कोहळे यांना 63,960 मते मिळाली.

औरंगाबाद विभाग पदवीधर मतदारसंघात डॉ. प्रतापसिंह वेदप्रकाश पाटील यांना 85,876 मते मिळाली. राष्ट्रवादी काँग्रेस पार्टीचे सतीश भानुदासराव चव्हाण यांना 67,752 मते मिळाली.

पुणे विभाग शिक्षक मतदारसंघात भाजपचे कौस्तुभ मुरलीधर गावडे यांना 23,117 मते मिळाली. अपक्ष सचिन नवनाथ सानप यांना 13,347 मते मिळाली.

अमरावती विभाग शिक्षक मतदारसंघात शिवसेनेचे किरण रामराव सरनाईक यांना 16,663 मते मिळाली. तर काँग्रेसच्या अदिती ऋषिकेश पोहरे यांना 8,636 मते मिळाली, अशी माहिती मुख्य निवडणूक अधिकारी कार्यालयाने एका प्रसिद्धीपत्रकाद्वारे दिली आहे.

शिवसेना पक्ष आणि चिन्ह सुनावणी टळली

शिवसेनेची सुनावणी पुढच्या आठवड्यात होण्याची शक्यता

आज शिंदे सेनेचे वकील ध्रुव मेहता करणार होते युक्तिवाद

ध्रुव मेहता हे आमदार अपात्रता प्रकरणावर विधानसभा अध्यक्ष यांनी दिलेल्या निर्णयावर करणार होते युक्तिवाद

महिलांच्या विविध मागण्यांसाठी राष्ट्रवादी काँग्रेस महिला आघाडीचे उपोषण

महिलांच्या विविध मागण्यांसाठी राष्ट्रवादी काँग्रेस महिला आघाडीच्या जिल्हा उपाध्यक्ष राजश्री ताड यांनी पंढरपूर तालुक्यातील भाळवणी येथे बेमुदत उपोषण सुरू केले आहे. निराधार, परितक्त्या, अपंग, भूमिहीन शेतमजूर महिलांसह इतर इतर प्रमुख मागण्यांसाठी त्यांनी हे उपोषण सुरू केले आहे.

"दीड वर्षापासून गरीब निराधार, परितक्त्या, अपंग महिलांना धान्यापासून वंचित ठेवले आहे. वारंवार अन्नपुरवठा अधिकाऱ्यांकडे पाठपुरावा करूनही दखल घेतली नाही.

Mumbai: टायगर श्रॉफ गोळीबार प्रकरण, ११ आरोपीना आज कोर्टात हजर करण्यात आले

मुंबई - टायगर श्रॉफ गोळीबार प्रकरण, ११ आरोपीना आज कोर्टात हजर करण्यात आले

मुंबई क्राइम ब्रांचने ११ आरोपींना १० दिवसांच्या पोलिस कोठडीची मागणी केली

शिवसेना पक्ष आणि चिन्ह सुनावणी टळली

शिवसेना पक्ष आणि चिन्ह सुनावणी टळली

शिवसेनेची सुनावणी पुढच्या आठवड्यात होण्याची शक्यता

आज शिंदे सेनेचे वकील ध्रुव मेहता करणार होते युक्तिवाद

ध्रुव मेहता हे आमदार अपात्रता प्रकरणावर विधानसभा अध्यक्ष यांनी दिलेल्या निर्णयावर करणार होते युक्तिवाद

Thane: ठाण्यात शिंदेसेनेचे शक्तीप्रदर्शन

ठाण्यात शिंदेसेनेचे शक्तीप्रदर्शन

टेंभीनाका परिसरात शिंदेसमर्थक एकवटले

पूर्णेकर हत्या प्रकरणी विरोधकांच्या आरोपीवर सत्ताधाऱ्यांचे उत्तर

पोलिसांची परवानगी नसताना देखील आंदोलन

Delhi: दिल्लीत इंडिया आघाडीची प्रातिनिधिक संसद

दिल्लीत इंडिया आघाडीची प्रातिनिधिक संसद

माजी लोकसभा अध्यक्ष मीरा कुमार अध्यक्षस्थान भूषवतील

राज्यसभेतील विरोधी पक्षनेते खरगे चर्चेची सुरुवात करतील.

लोकसभेतील विरोधी पक्षनेते राहुल गांधी शेवटी बोलतील.

सत्ताधारी पक्षाच्या जागा रिक्त राहू शकतात

ही चर्चा सायंकाळी ४ ते ८ या वेळेत, अंदाजे चार तास चालेल.

सुमारे दोन डझन वक्ते आपली मते मांडतील.

Beed: बीडमध्ये दुष्काळामुळे मजुरांच्या हाताला काम नाही, रोजगार हमीची कामे सुरू करण्याची मागणी

बीडमध्ये दुष्काळामुळे मजुरांच्या हाताला काम नाही

रोजगार हमीची कामे सुरू करण्याची मागणी.

बीडच्या पाटोदा तालुक्यात पावसाअभावी शेतातील पिके आली नसल्याने मजुरांच्या हाताला काम मिळत नाही.

काम नसल्यामुळे आर्थिक उत्पन्नाचे साधन बंद झाले आहे.

Mumbai: टायगर श्रॉफ गोळीबार प्रकरणात मोठी अपडेट, आरोपींवर मकोकाअंतर्गत कारवाई

टायगर श्रॉफ गोळीबार प्रकरणात मोठी अपडेट

आरोपींवर मकोका (MCOCA) आणि शस्त्रास्त्र कायद्यांतर्गत कारवाई करण्यात आली.

त्यानंतर आज सर्व आरोपींना मकोका न्यायालयात हजर करण्यात येणार आहे.

न्यायालयात सुनावणीला लवकरच सुरुवात होणार आहे

Solapur: सोलापूर डीसीसी बँक निवडणूक, बाळराजे पाटील यांनी दाखल केला उमेदवारी अर्ज

- सोलापूर डीसीसी बँक निवडणुकीत राजन पाटील यांचे पुत्र बाळराजे पाटलांनी उमेदवारी अर्ज दाखल केला

- डीसीसी निवडणूक बिनविरोध होण्यासाठी आम्ही प्रयत्न करतोय.

- रणजीतसिंह मोहिते पाटील यांच्या बिनविरोधच्या मताशी मी सहमत आहे.मात्र त्यांची आणि माझी भेट झालेली नाही

- दुष्काळामुळे ही निवडणूक बिनविरोध होऊन जिल्हा बँकेचा खर्च टाळला जावा अशी माझी भूमिका आहे

- राजन पाटील यांना मानणाऱ्या वर्गाच्या वतीने मी या निवडणुकीत अर्ज दाखल केला आहे.

Kolhapur: गोकुळ दूध संघ अध्यक्षपदासाठी बोलावलेली सभा तहकूब

कोल्हापूर - गोकुळ दूध संघ अध्यक्षपदासाठी बोलावलेली सभा तहकूब

कोरम अभावी सभा झाली तहकूब

आज झालेल्या नाट्यमय घडामोडी वर सतेज पाटील चार वाजता पत्रकार परिषद घेणार

सायंकाळी चार वाजता पत्रकार परिषद घेऊन सतेज पाटील आपले भूमिका मांडणार

Thane: प्रदीप पूर्णेकर हत्या प्रकरणी न्यायासाठी उद्या कँडल मार्च

प्रदीप पूर्णेकर हत्या प्रकरणी न्यायाूसाठी उद्या कँडल मार्च

प्रदीप पूर्णेकर हत्या प्रकरणी न्यायाच्या मागणीसाठी भूमिपुत्र समाज आक्रमक

३० ऑक्टोबर रोजी कासारवडवली येथे कँडल मार्च काढण्यात येणार

प्रदीप पूर्णेकर यांच्या कुटुंबीयांना न्याय मिळावा आणि हत्या प्रकरणातील सर्व संबंधितांवर कठोर कारवाई व्हावी यासाठी हा मार्च असणार आहे

Nashik: नाशिकच्या कुंभमेळ्याच्या ध्वजारोहण सोहळ्याची तयारी अंतिम टप्प्यात

- नाशिकच्या कुंभमेळ्याच्या ध्वजारोहण सोहळ्याची तयारी अंतिम टप्प्यात

- ध्वजारोहण सोहळ्यासाठी रामकुंडावर भव्य मंडप आणि पुरातन देखाव्यांची उभारणी

- रामकुंडावर ३१ ऑक्टोबरला राष्ट्रपतींच्या हस्ते पार पडणार ध्वजारोहण सोहळा

- देशभरातील आखाड्यांच्या साधू महंतांसह हजारो नागरिकांच्या उपस्थितीत होणार ध्वजारोहण सोहळा

राधाकृष्ण विखे पाटलांनी मनोज जरांगेंना ‘ती’ ऑडिओ क्लिप दिली; संगीता वानखेडे यांचा आरोप

२०२४ साली देवेंद्र फडणवीस यांच्या विरोधात पत्रकार परिषद घेण्यासाठी मला ऑफर देण्यात आली होती, असा गंभीर आरोप संगीता वानखेडे यांनी केला आहे. पुण्यात पत्रकार परिषद घेऊन त्यांनी हा आरोप केला. तसेच, राधाकृष्ण विखे पाटील यांनी मनोज जरांगे यांना ‘ती’ ऑडिओ क्लिप दिल्याचाही दावा वानखेडे यांनी केला.

विधान परिषदेतील पराभव भाजपच्या जिव्हारी? केंद्रातील कोअर कमिटीकडून दखल घेतली जाणार

पुणे पदवीधर मतदारसंघातील पराभवानंतर भाजपकडून आत्मचिंतन बैठक आयोजित करण्यात येणार आहे. पुण्यात उद्या भाजपच्या पक्ष संघटनेतील प्रमुख पदाधिकारी आणि नगरसेवकांची बैठक होणार असून, पुणे विभागातील पराभवाची कारणमीमांसा केली जाणार आहे.

पुणे शहरातील नगरसेवकांची या बैठकीत शाळा घेतली जाण्याची शक्यता आहे. शहरातील मतदार नोंदणी कमी होणे, पदवीधर मतदारसंघातील पराभव आणि मतदारांपर्यंत अपुरा संपर्क या मुद्द्यांवर बैठकीत चर्चा होणार आहे.

लोकलच्या लेडीज डब्यात चोरी करणारी सराईत महिला गजाआड; १४.३८ लाखांचे दागिने जप्त

लोकलच्या महिला डब्यात प्रवासी महिलांच्या पर्सची चेन उघडून सोन्याचे दागिने चोरणाऱ्या सराईत महिलेला गुन्हे शाखेच्या कल्याण युनिट-३ ने अटक केली आहे. तिच्याकडून ११०.६२ ग्रॅम वजनाचे १४ लाख ३८ हजार रुपयांचे सोन्याचे दागिने जप्त करण्यात आले असून, दोन गुन्हे उघडकीस आणण्यात आले आहेत.

कर्जत रेल्वे पोलीस ठाण्यात २१ ऑक्टोबर रोजी एका महिला प्रवाशाने तक्रार दाखल केली होती. उल्हासनगर ते सीएसएमटी असा लोकलने प्रवास करताना गर्दीचा फायदा घेऊन अज्ञात चोरट्याने तिच्या शोल्डर पर्समधून मंगळसूत्र आणि सोन्याचे दागिने लंपास केले होते. याप्रकरणी भारतीय न्याय संहितेच्या कलम ३०५(C) अन्वये गुन्हा दाखल करण्यात आला होता.

सिडकोच्या बेलपाड्यातील कारवाईतील बाधितांना मोठा दिलासा; २४ कुटुंबांच्या पुनर्वसनाचे आदेश

सिडकोच्या बेलपाड्यातील कारवाईमुळे बाधित झालेल्या २४ कुटुंबांच्या पुनर्वसनाचे आदेश महसूल मंत्री चंद्रशेखर बावनकुळे यांनी सिडकोला दिले आहेत. आमदार विक्रांत पाटील यांनी केलेल्या मागणीनंतर हे आदेश देण्यात आले. मृत व्यक्तीच्या कुटुंबाला आर्थिक मदत देण्याबाबतचा प्रस्तावही सादर करण्याचे निर्देश देण्यात आले आहेत.

बेलपाड्याजवळील उपलब्ध शासकीय जागेचा शोध घेऊन बाधित कुटुंबांच्या पुनर्वसनाचा प्रस्ताव सादर करावा. या कुटुंबांना भूखंड आणि घरबांधणीसाठी अडीच लाख रुपयांचे सहाय्य देण्याची शक्यता तपासावी. प्रधानमंत्री आवास योजना, सर्वांसाठी घरे योजना किंवा जिल्हा खनिज प्रतिष्ठानच्या उपलब्ध तरतुदींनुसार प्रस्ताव सादर करावा, असे आदेश देण्यात आले आहेत. तसेच, कुटुंबातील एका सदस्याला नियमानुसार कंत्राटी रोजगार देता येईल का, याचाही सिडकोने सहानुभूतीपूर्वक विचार करावा, असे महसूल मंत्री चंद्रशेखर बावनकुळे यांनी निर्देश दिले आहेत.

ड्रग्जच्या खोट्या गुन्ह्यात अडकवण्याची धमकी देत खंडणी उकळणाऱ्या सायबर चोरट्यांना बेड्या

ड्रग्जच्या खोट्या गुन्ह्यात अडकवण्याची धमकी देत खंडणी उकळून एका तरुणाला आत्महत्येस प्रवृत्त केल्याप्रकरणी सायबर चोरट्यांना अटक करण्यात आली आहे. ड्रग्जच्या खोट्या गुन्ह्याची भीती दाखवून आरोपींनी खंडणी उकळली होती. या प्रकरणी पुणे पोलिसांनी बिहारमध्ये कारवाई केली.

आकाशकुमार संजय सिंग (वय १८) आणि राजकुमार संपूर्ण आनंद सिंग (वय २२) अशी अटक करण्यात आलेल्या आरोपींची नावे आहेत. आरोपींकडून सात मोबाईल, लॅपटॉप आणि टॅब असा मुद्देमाल पोलिसांनी जप्त केला आहे.

मुख्य निवडणूक आयुक्त ज्ञानेश कुमार यांच्याविरोधात उद्या कार्यक्रम; INDIA आघाडीच्या नेत्यांची बैठक

मुख्य निवडणूक आयुक्त ज्ञानेश कुमार यांच्याविरोधात उद्या आयोजित करण्यात येणाऱ्या सार्वजनिक महाभियोग कार्यक्रमाच्या तयारीसाठी INDIA आघाडीच्या नेत्यांची बैठक सुरू आहे. नवी दिल्लीतील १०, राजाजी मार्ग येथे ही बैठक होत आहे. काँग्रेस अध्यक्ष मल्लिकार्जुन खरगे, पी. जी., गौरव गोगोई आणि जॉन ब्रिटास यांच्यासह INDIA आघाडीचे अन्य नेते बैठकीला उपस्थित आहेत.

उद्याचा कार्यक्रम नेमक्या कोणत्या पद्धतीने आयोजित करायचा, त्याचे स्वरूप काय असेल आणि नियोजन कसे करायचे, यावर बैठकीत चर्चा सुरू आहे. ज्ञानेश कुमार यांच्याविरोधात विरोधकांनी जाहीर केलेल्या या कार्यक्रमाच्या पार्श्वभूमीवर आजच्या बैठकीत कोणती रूपरेषा निश्चित होते, याकडे लक्ष लागले आहे.

पुण्यात कालवा समितीची बैठक सुरू

पुण्यात कालवा समितीच्या बैठकीला सुरुवात झाली आहे. उपमुख्यमंत्री सुनेत्रा पवार, जलसंपदा मंत्री राधाकृष्ण विखे पाटील, खासदार सुप्रिया सुळे आणि कृषिमंत्री दत्तात्रय भरणे यांच्यासह पुणे जिल्ह्यातील आमदार बैठकीला उपस्थित आहेत.

जिल्हाधिकारी, महापौर, विभागीय आयुक्त यांच्यासह विविध विभागांचे अधिकारीही बैठकीला उपस्थित आहेत.

खासदार मिलिंद देवरा यांची उद्धव ठाकरेंवर टीका; म्हणाले, स्वतःच्या कार्यकाळातील घटनांची उत्तरे द्या

शिवसेनेचे खासदार मिलिंद देवरा यांनी उद्धव ठाकरे यांच्यावर टीका केली आहे. एकनाथ शिंदे यांचा ठाण्यात पराभव करता येत नसल्याने त्यांची बदनामी करण्याचा डाव आखला जात असल्याचा आरोप देवरा यांनी केला. पोलीस खात्यावर भाष्य करण्यापूर्वी उद्धव ठाकरे यांनी स्वतःच्या कार्यकाळातील घटनांची उत्तरे द्यावीत, असेही ते म्हणाले.

१० मार्च २०२१ रोजी तत्कालीन मुख्यमंत्र्यांनी सचिन वाझे याची पाठराखण केली होती. तसेच, उद्योजकांकडून पैसे उकळल्याचे गंभीर आरोपही महाविकास आघाडी सरकारवर झाले होते, असा दावा देवरा यांनी केला. मुंबई पोलीस हे देशातील सर्वोत्तम आणि व्यावसायिक पोलीस दलांपैकी एक आहे. मात्र, अशा घटनांमुळे पोलीस दलाची प्रतिमा मलिन झाली आणि त्याचा परिणाम महाराष्ट्रातील उद्योग, रोजगार व गुंतवणुकीवरही झाला, असे ते म्हणाले.

महायुती म्हणून एकत्र लढलो असतो, तर चित्र वेगळं असतं – नवनाथ बन

महायुती म्हणून एकत्र लढलो असतो, तर चित्र वेगळं असतं. एका जागेच्या हव्यासापोटी शिवसेनेने अपक्ष उमेदवाराला पाठिंबा दिला, असं नवनाथ बन म्हणाले. देवेंद्र फडणवीस हे राज्याचं नेतृत्व करण्यासाठी सक्षम असल्याचंही त्यांनी सांगितलं.

गोकुळ अध्यक्ष निवडीच्या बैठकीला सुरुवात; महायुतीचे संचालक अनुपस्थित

गोकुळ दूध संघाच्या अध्यक्ष निवडीच्या बैठकीला सुरुवात झाली आहे. समविचारी आघाडीचे १३ संचालक बैठकीला उपस्थित आहेत, मात्र महायुतीचे संचालक अद्याप बैठकीला पोहोचलेले नाहीत.

बैठक सुरू झाली असली, तरी कोरम पूर्ण होत नसल्याने उर्वरित १२ संचालकांची प्रतीक्षा केली जात आहे.

शिक्षक-पदवीधर निवडणुकीत सुशिक्षित मतदारांनी भाजपला नाकारलं- संजय राऊत

विधान परिषदेच्या शिक्षक आणि पदवीधर मतदारसंघांचे निकाल हे उमेदवाराचे नेटवर्किंग, प्रतिमा आणि पक्षाच्या नेत्यांवर अवलंबून असतात. शक्यतो हे निकाल सत्ताधाऱ्यांच्या बाजूने लागतात. हातात यंत्रणा असते, मतं विकत घेतली जातात, हे आता उघड झालं आहे, असं संजय राऊत म्हणाले.

वाराणसीमध्ये भाजपचा पराभव झाला आणि नागपूरमध्येही पराभव झाला. या दोन गोष्टी अत्यंत महत्त्वाच्या आहेत. महाराष्ट्रातील पदवीधर मतदारांनी, ज्याला तुम्ही महायुती म्हणत आहात, त्या भाजपला पश्चिम महाराष्ट्र, मराठवाडा आणि तीनही प्रमुख मतदारसंघांत नाकारलं आहे, असं संजय राऊत म्हणाले.

रविंद्र चव्हाण २ नोव्हेंबरला दिल्ली दौऱ्यावर; पंतप्रधान मोदींची घेणार भेट

भाजपचे प्रदेशाध्यक्ष रविंद्र चव्हाण २ नोव्हेंबरला दिल्ली दौरा करणार आहेत. या दौऱ्यात ते पंतप्रधान नरेंद्र मोदी यांची भेट घेणार असून, केंद्रीय गृहमंत्री अमित शाह आणि भाजपचे राष्ट्रीय अध्यक्ष नितीन नबीन यांचीही भेट घेणार आहेत.

या दौऱ्यामुळे भाजपच्या गोटातील हालचालींना वेग आला आहे. ऐन दिवाळीत राजकीय फटाके फुटण्याची शक्यता व्यक्त केली जात आहे.

सुनेत्रा पवार यांच्या राष्ट्रवादी काँग्रेसमध्ये पुन्हा मतभेद; दोन युवा नेत्यांच्या नियुक्त्यांवर आक्षेप

राष्ट्रवादी काँग्रेसमध्ये दोन युवा नेत्यांच्या नियुक्त्यांवरून पुन्हा एकदा मतभेद समोर आले आहेत. उमेश पाटील यांची राष्ट्रीय प्रवक्तेपदी, तर आमदार झिशान सिद्दीकी यांची मुंबई अध्यक्षपदी झालेल्या निवडीवर आक्षेप घेण्यात आला आहे.

ब्रिज मोहन श्रीवास्तव यांनी आपणच राष्ट्रवादी काँग्रेसचे राष्ट्रीय प्रवक्ते असल्याचा दावा केला आहे. तसेच, यासंदर्भात ते पुन्हा एकदा निवडणूक आयोगाला पत्र लिहिण्याची शक्यता आहे. यापूर्वीही श्रीवास्तव यांनी सुनेत्रा पवार यांच्या राष्ट्रीय अध्यक्षपदी झालेल्या निवडीवर आक्षेप घेतला होता.

भाजप प्रदेशाध्यक्ष रविंद्र चव्हाण अँक्शन मोडवर

भाजप प्रदेशाध्यक्ष रविंद्र चव्हाण अँक्शन मोडवर

नागपूर व पुण्यातील सर्व जिल्ह्यांचा लेखाजोखा घेणार

जिल्हाध्यक्ष, आमदार व मंत्री यांची झाडाझडती घेणार

भाजपच्या काही पदाधिकारी व मंत्र्यांचा राजीनामा घेण्याची शक्यता

Mumbai : कांदिवली पश्चिमेत बनावट कॉल सेंटरचा चारकोप पोलिसांकडून पर्दाफाश

- दिवली पश्चिमेत बनावट कॉल सेंटरचा चारकोप पोलिसांकडून पर्दाफाश

- ॲपल आणि ॲमेझॉन कंपनीचे कस्टमर सपोर्ट प्रतिनिधी असल्याचे भासवून भारतासह परदेशातील नागरिकांची फसवणूक केल्याचा आरोप

- 26 ऑक्टोबर रोजी पोलिसांनी बनावट कॉल सेंटरवर छापा टाकला

Thane : प्रदीप पूर्णेकर हत्या प्रकरणी ठाण्यात होणाऱ्या ठाणे पोलिसांनी सर्वपक्षीय आंदोलनाची परवानगी नाकारली

प्रदीप पूर्णेकर हत्या प्रकरणी ठाण्यात होणाऱ्या ठाणे पोलिसांनी सर्वपक्षीय आंदोलनाची परवानगी नाकारली

ठाण्यातील चिंतामणी चौकात मनसे शिवसेना UBT काँग्रेस राष्ट्रवादी SP पक्ष करणार होते आंदोलन

आंदोलनात आदित्य ठाकरे राज ठाकरे अनिल परब जितेंद्र आव्हाड केदार दिघे राजन विचारे राहणार होते उपस्थित..

मित्रपक्षाची साथ सुटली, महायुतीला फटका; भाजपचा शिवसेनेवर ठपका!

मित्रपक्षाची साथ सुटली, महायुतीला फटका; भाजपचा शिवसेनेवर ठपका!

शिवसेनेच्या भूमिकेने महायुतीच्या गणिताला सुरुंग; भाजपचा मित्रपक्षावर आरोप!

पुण्यात पाठिंबा दुसऱ्याला, संभाजीनगरमध्ये राष्ट्रवादीच्या विरोधात प्रचार; भाजपचा शिवसेनेला सवाल!

एका जागेसाठी मित्रपक्षांचे नुकसान; भाजपने शिवसेनेच्या भूमिकेवर उपस्थित केले प्रश्नचिन्ह!

Tiger Shroff : टायगर श्रॉफवरील गोळीबारासाठी वापरलेली झिगाना पिस्तूल 2.5 लाखांची

टायगर श्रॉफवरील गोळीबारासाठी वापरलेली झिगाना पिस्तूल 2.5 लाखांची

पिस्तूल अमृतसरमधूनच खरेदी केल्याची सूत्रांची माहिती

झिगाना पिस्तूल आणि 20 काडतुसे खरेदी करण्यासाठी 2.50 लाख रुपये दिल्याचे तपासात उघड

Mumbai : मुंबई-ठाण्यात ४६८ झाडांची कत्तल होणार

मुंबई-ठाण्यात ४६८ झाडांची कत्तल होणार

संजय गांधी राष्ट्रीय उद्यानाच्या पर्यावरण संवेदनशील क्षेत्रातील ८ प्रकल्पांना मंजुरी

महाराष्ट्र राज्य वन्यजीव मंडळाचा निर्णय; ४६८ झाडे तोडली जाणार

Kalyan : कल्याणपूर्व कोळशेवाडी परिसरात भररस्त्यात महिलेची छेडछाड; अश्लील संभाषण करत बंदूक दाखवल्याचा आरोप!

कोळशेवाडीत संतापजनक घटना

महिलेच्या कुटुंबीयांनी तरुणाला पकडून चोप देत पोलिसांच्या स्वाधीन केलं

छऱ्याची बंदूक पोलिसांनी जप्त करत आरोपी भरत जाधवला घेतलं ताब्यात

Pune : कोथरूडमधून तांब्याची तार चोरणाऱ्या उत्तर प्रदेशातील दोघांना अटक

कोथरूडमधून तांब्याची तार चोरणाऱ्या उत्तर प्रदेशातील दोघांना अटक

कोथरूड परिसरातील एका इमारतीमधून तांब्याची तार चोरणाऱ्या उत्तर प्रदेशातील दोन चोरट्यांना अटक करण्यात आली आहे

कोथरूड पोलिसांनी २४ तासांत गुन्ह्याचा छडा लावत सात लाख रुपयांचा मुद्देमाल जप्त केला आहे.

Yavtmal : यवतमाळ जिल्ह्यातील 88 संस्थांच्या निवडणुकांना ब्रेक

यवतमाळ जिल्ह्यात निर्माण झालेल्या दुष्काळी परिस्थितीमुळे 88 सहकारी संस्थांच्या निवडणुकींना पुढील आदेशापर्यंत ब्रेक लागला आहे

या संदर्भाचे शासनाचे आदेश यवतमाळ जिल्हा उपनिबंधक कार्यालयात धडकले आहे सध्या तरी सहकारी संस्था बिनधास्त झाल्या आहेत.

Yavtmal : यवतमाळ जिल्ह्यातील तूर उत्पादक शेतकऱ्यांसमोर चिंतेत ढग

बंगालच्या उपसागरात निर्माण झालेल्या अर्णब चक्री वादळाचा परिणाम यवतमाळ जिल्ह्यात दिसून येत असून गत दोन दिवसांपासून जिल्ह्यात ढगाळी वातावरण निर्माण झाल्याने तूर उत्पादक शेतकऱ्यांची चिंता वाढली आहे.

आधीच कापूस सोयाबीन हाताशी गेल्यानंतर आता तूर उत्पादक शेतकऱ्यांसमोर चिंतेच ढग निर्माण झाले आहेत

Pune : चिंचवड येथील कुणाल मार्केट इमारतीत भीषण आग; 17 दुचाकी, 4 चारचाकी जळून खाक, एक जण जखमी

चवड येथील कुणाल मार्केट इमारतीच्या पार्किंगमध्ये भीषण आग लागल्याची घटना घडली.

या आगीत 17 दुचाकी आणि 4 चारचाकी वाहने पूर्णपणे जळून खाक झाली आहेत.

या घटनेत एक जण किरकोळ जखमी झाला असून त्याला उपचारासाठी जवळच्या रुग्णालयात दाखल करण्यात आले आहे.

Pune : पुणे शहर भाजपाच्या वतीने नवनिर्वाचित शिक्षक आमदार कौस्तुभ गावडे यांचा सत्कार

पुणे शहर भाजपाच्या वतीने नवनिर्वाचित शिक्षक आमदार कौस्तुभ गावडे यांचा सत्कार.

कौस्तुभ गावडे यांनी पुणे विभाग शिक्षक मतदार संघात मिळवला विजय..

महायुती विरोधात महाविकास आघाडी आणि शिवसेना पाठिंबा दिलेले अपक्ष उमेदवार होते रिंगणात

कौस्तुभ गावडे यांचा पुणे शहर कार्यालयात शहराध्यक्ष आणि पदाधिकारी यांनी आमदारपदी निवड झाल्यानंतर केला सत्कार..

भाजपने शिक्षक आमदार जागा आणली खेचून

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.