दिवंगत अजित पवार यांचे निधन झाल्यानंतर राज्यात राजकीय घडामोडींना वेग आला आहे. आता अजित पवार यांच्या पश्चात सुनेत्रा पवार हा राजकीय वारसा पुढे नेतील. सुनेत्रा पवार यांची आज पक्षाच्या विधिमंडळ नेतेपदी निवड झाली. आज दुपारी 2 वाजता राष्ट्रवादी कॉँग्रेसची विधासभेमध्ये बैठक पार पडली. यामध्ये सुनेत्रा पवार यांची राष्ट्रवादीच्या आमदारांनी एकमताने विधिमंडळनेतेपदी निवड केली.

सुरुवातीला पक्षाच्या विधिमंडळ बैठकीत सुनील तटकरे यांनी शोक प्रस्ताव मांडला. यावेळी अजितदादांना श्रद्धांजली वाहिली. दिलीप वळसे पाटील यांनी सुनेत्रा पवार यांच्या नावाचा प्रस्ताव मांडला. त्याला छगन भुजबळ यांनी अनुमोदन दिले. त्यानंतर इतर सर्व उपस्थित आमदारांनी सुनेत्रा पवार यांची विधिमंडळ नेतेपदी निवड करण्यास समर्थन दिले.