बार्शी: नगरपरिषद निवडणुकीच्या निकालानंतर शहरात अनुचित प्रकार घडल्याने लोकशाही प्रक्रियेला गालबोट लागले आहे. निकाल जाहीर झाल्यानंतर दोन गटांमध्ये अचानक तुफान दगडफेक झाली असून या घटनेमुळे परिसरात एकच खळबळ उडाली.ही दगडफेक बार्शीतील आयनापूर मारुती रोड परिसरात घडली असून संपूर्ण प्रकार तेथील सीसीटीव्ही कॅमेऱ्यात कैद झाला आहे. काही काळासाठी परिसरात तणावाचे वातावरण निर्माण झाले होते.

दरम्यान, ही दगडफेक नेमकी कोणत्या कारणामुळे झाली, याबाबत अद्याप स्पष्ट माहिती समोर आलेली नाही. घटनेची माहिती मिळताच पोलिसांनी घटनास्थळी धाव घेऊन परिस्थिती नियंत्रणात आणली. या प्रकरणाचा पुढील तपास पोलीस करत असून सीसीटीव्ही फुटेजच्या आधारे संबंधितांची ओळख पटवण्याचे काम सुरू असल्याची माहिती पोलिसांनी दिली.