आरक्षणाचे संरक्षण व्हावं, शिक्षण प्रत्येक घटकापर्यंत पोहोचावं : सलीम सारंग

शिक्षण हे प्रत्येक घटकापर्यंत पोहोचले पाहिजे. सामाजिक न्यायाची भावना कायम ठेवत आरक्षणाचे संरक्षण होणे ही काळाची गरज असल्याचे मत राष्ट्रवादीचे नेते सलीम सारंग यांनी व्यक्त केलं. राष्ट्रीय स्वयंसेवक संघाचे वरिष्ठ प्रचारक, राष्ट्रीय कार्यकारणीचे सदस्य तसेच मुस्लीम राष्ट्रीय मंचाचे मार्गदर्श इंद्रेश कुमार यांची आणि सलीम सारंग यांची भेट झाली. दोन्ही नेत्यांची भेटीदरम्यान आरक्षण, संविधान, विकास, शिक्षण आदी मुद्द्यावर चर्चा झाली.

याभेटी बाबत राष्ट्रवादीचे नेते सलीम सारंग यांनी सांगताना आपल्यात कोणत्या गोष्टीबाबत चर्चा झाली याची माहिती दिली. या भेटीत शिक्षण क्षेत्रासमोरील सध्याची आव्हाने, विद्यार्थ्यांचे प्रश्न, शिक्षणातील समान संधी, आरक्षणाचे संविधानिक संरक्षण आणि समाजातील वंचित घटकांच्या शैक्षणिक प्रगतीसंदर्भात आपण सविस्तर चर्चा केली असल्याचं सलीम सारंग म्हणाले. शिक्षण हे प्रत्येक घटकापर्यंत पोहोचले पाहिजे आणि सामाजिक न्यायाची भावना कायम ठेवत आरक्षणाचे संरक्षण होणे ही काळाची गरज असल्याचे मत राष्ट्रवादीचे नेते सलीम सारंग यांना मांडले.

अजित पवारांच्या आठवणीत सलीम सारंग भावूक

अजित पवार यांच्या कार्यशैली, जनसंपर्क आणि राज्याच्या विकासासाठी दिलेल्या योगदानाचे स्मरण करताना त्यांनी अजितदादांच्या आठवणींना उजाळा दिला. त्याचवेळी त्यांनी अजित पवार यांची पोकळी जाणवत असल्याचं ते म्हणाले होते. अजित पवार यांच्या जाण्याने सामान्य कार्यकर्त्यांचा आधार हरपला. अजितदादांची पोकळी जाणवतेय. कामासाठी नेत्यांना भेटताना आधी ओळख सांगावी लागते अपॉइंटमेंट घ्यावी लागते, असं म्हणत त्यांनी आपली खदखद एका पत्राद्वारे बोलून दाखवली होती.