एसटी कर्मचाऱ्यांसाठी आनंदाची बातमी समोर आली आहे. सरकारने कर्मचाऱ्यांना दिवाळीचा बोनस जाहीर केला आहे. त्यामुळे कर्मचाऱ्यांची यंदाची दिवाळी गोड होणार आहे. आपल्या विविध मागण्यांना घेऊन एसटी कर्मचारी हे आंदोलन करणार होते आणि संपावर जाण्याचा निर्णय घेतला होता. मात्र ऐन दिवाळीच्यावेळी संप झाला तर प्रवाशांचे हाल होतील. यामुळे एकनाथ शिंदे यांच्यासोबत एसटी कर्मचाऱ्यांची सह्याद्री अतिथिगृहामध्ये बैठक पार पडली आणि त्यामध्ये हा निर्णय घेण्यात आला. त्यामुळे आता हा संप देखील टळला आहे.

तसेच राज्य सरकारकडून 48 हफ्त्यामध्ये कर्मचाऱ्यांची दर महिन्याला 65 कोटी रुपयांची रक्कम देण्यास मंजूरी देण्यात आली आहे. शिवाय या दिवाळीनिमित्त 6 हजार रुपये कर्मचाऱ्यांना सानुग्रह अनुदान म्हणजेच बोनस देण्यात येणार आहे. त्यामुळे एसटी कर्मचाऱ्यांमध्ये आनंदांचे वातावरण निर्माण झाले आहे.