सोलापूरात मुसळधार पावसामुळे सीना नदिच्या प्रवाहात मोठी वाढ झाली आहे. त्यामुळे वाहतुकीवर मोठा परिणाम झालेला आहे. उत्तर सोलापुरातील तिऱ्हे गावाजवळ सीना नदीच्या लांबोटी पुलावर पाण्याची पातळी वाढल्याने सोलापूर-पुणे राष्ट्रीय महामार्गावरील वाहतूक पूर्णपणे बंद करण्यात आली आहे. रात्री 11 वाजल्यापासून दोन्ही बाजूने वाहतूक बंद झाल्याने वाहनांच्या लांबचं लांब रांगा लागल्या आहेत. तसेच दुसरीकडे सोलापूर-कोल्हापूर राष्ट्रीय महामार्गवरील वाहतूक देखील बंद करण्यात आली आहे. सीना नदीचा प्रवाह कमी होईपर्यंत वाहतूक बंद राहण्याची शक्यता वर्तवली जात आहे. या परिस्थितीमुळे नागरिकांना आणि वाहनचालकांना अडचणींचा सामना करावा लागत आहे.