धाराशिव जिल्ह्यात हरित धाराशिव उपक्रम राबवण्यात येत आहे, जिल्ह्यात साधारण 15 लाख वृक्षांची लागवड करण्याचा निर्धार या उपक्रमातून करण्यात आला आहे. या उपक्रमात भाग घेणाऱ्या विद्यार्थ्याना छत्र्या देण्यात येणार होत्या. मात्र या विद्यार्थ्याना देण्यात येणाऱ्या छत्र्या शिंदे गटाच्या कार्यकर्त्यांनी पळवून लावल्या. या कार्यक्रमाला जिल्ह्यातील अनेक कार्यकर्ते आले होते. या कार्यकर्त्यांनी गाडीच्या डिक्कीमध्ये टाकून छत्र्या लांपास केल्याचा व्हिडिओ आता समोर आला आहे. हा व्हिडिओ सध्या सोशल मीडियावर चांगलाच व्हायरल होत असून यावर टीका देखील केली जात आहे.