अभिनेत्री शिल्पा शेट्टी आणि तिचा पती राज कुंद्राच्या अडचणीत वाढ झाली आहे. 60 कोटी रुपयांच्या फसवणुकीच्या प्रकरणात राज कुंद्राला मुंबई पोलिसांच्या आर्थिक गुन्हे शाखेने समन्स बजावले आहेत. राजला 15 सप्टेंबर रोजी चौकशीसाठी बोलावल आहे. सुरुवातीला शिल्पा आणि राज यांना 10 सप्टेंबर रोजी तपास अधिकाऱ्यांसामोर हजर राहण्यास सांगितले आहे. पण राज कुंद्राने 15 सप्टेंबरपर्यंत मुदत वाढवून मागितली होती. ऑगस्टमध्ये शिल्पा शेट्टी आणि तिचा पती राज कुंद्रा आणि आणखी एका व्यक्तीविरोधात फसवणुकीच्या आरोपाखाली गुन्हा दाखल केला होता. एका व्यवसायिकाची 60 कोटी रुपयांपेक्षा जास्त रकमेची फसवणूक केल्याचा त्यांच्यावर आरोप आहे.