पुणे : शरद पवार यांची तब्येत बिघडली आहे. त्यामुळे आजचे त्यांचे सर्व कार्यक्रम रद्द करण्यात आले आहे. निवडणुकीत झालेल्या सततच्या सभा, दगदग यामुळे शरद पवार यांची प्रकृती बिघडली आहे. शरद पवारांना उन्हाचा त्रास झाला आहे अशी माहिती खासदार अमोल कोल्हे यांनी दिली आहे. शरद पवार आता विश्रांती घेतील आणि त्यानंतर पुन्हा कामाला लागतील असेही कोल्हे म्हणाले. डॉक्टरांनी शरद पवारांची तपासणी केली असून त्यांना विश्रांतीचा सल्ला दिला आहे. त्यामुळे शरद पवार एक दिवस विश्रांती घेतील आणि पुन्हा सक्रिय होतील.