गेल्या काही दिवसांपासून राजकारणात मोठ मोठ्या घडामोडी घडत असून आज राष्ट्रवादी काँग्रेसचे सर्वेसर्वा आणि ज्येष्ठ नेते शरद पवार यांनी उपमुख्यमंत्री एकनाथ शिंदे यांची विधानभवनात भेट घेतली. सध्या राज्याचे पावसाळी अधिवेशन सुरू आहे. याच अधिवेशनादरम्यान शरद पवार यांची राष्ट्रवादी ही NDA सोबत जाण्याची चर्चा सुरू आहे. जयंत पाटील आणि विनोद तावडे यांच्यामध्ये अनेक भेटी झाल्याचे देखील राजकीय वर्तुळात चर्चा सुरू आहे. अशातच आज शरद पवार यांनी एकनाथ शिंदे यांची भेट घेतल्यानंतर राजकीय गोटात खळबळ उडाली आहे. दरम्यान या भेटीमध्ये नेमकी काय चर्चा झाली याची अधिकृत माहिती समोर आली नाहीये.