बारामतीतून राजकीय वर्तुळाचे लक्ष वेधणारी बातमी समोर आली आहे. बारामतीत आयोजित एका सार्वजनिक कार्यक्रमात काका आणि पुतण्या एकाच व्यासपीठावर आलेले दिसत आहेत. या कार्यक्रमात शरद पवार आणि अजित पवार हे एकमेकांच्या बाजूला बसले होते आणि त्यांच्यात बराचवेळ चर्चाही झाल्याचे पाहायला मिळाले. पुण्यात युती फिसकटल्यानंतरच्या घडामोडींनंतर हे दोन्ही नेते पहिल्यांदाच एकाच व्यासपीठावर एकत्र दिसले आहेत. यापूर्वीच्या राजकीय तणावानंतर ही भेट महत्त्वाची मानली जात आहे. या कार्यक्रमातील त्यांच्या उपस्थितीमुळे आणि संवादांमुळे उपस्थितांमध्ये आणि राजकीय निरीक्षकांमध्ये कुतूहल निर्माण झाले आहे. ही भेट केवळ योगायोग आहे की यामागे काही राजकीय संकेत आहेत, यावर आता चर्चा सुरू झाली आहे.