सरपंच संतोष देशमुख हत्या प्रकरणात सुदर्शन घुले, कृष्णा आंधळे आणि सुधीर सांगळे हे तिघे आरोपी अद्यापही फरार आहेत. त्यांचा शोध पोलिसांकडून सुरू आहे. काल वाल्मिक कराड पोलिसांना शरण आल्यानंतर पोलिसांचा फोकस या तीन आरोपींवर आहे. दरम्यान या तिघांपैकी सुदर्शन घुले हा महाराष्ट्रातच असण्याची शक्यता आहे. तर कृष्णा आंधळे आणि सुधीर सांगळे हे दोन आरोपी राज्याबाहेर असल्याचा संशय सीआयडीला आहे.

मस्साजोगचे माजी सरपंच संतोष देशमुख यांच्या हत्या प्रकरणातील तीन प्रमुख आरोपी फरार आहेत. सीआयडीकडून त्यांचा शोध आता सुरू झाला आहे. या प्रकरणात सुदर्शन घुले, कृष्णा आंधळे आणि सुधीर सांगळे हे तिघे जण फरार आहेत. सुदर्शन घुले हा महाराष्ट्रातच असण्याची शक्यता आहे. तर कृष्णा आंधळे आणि सुधीर सांगळे हे दोन आरोपी राज्याबाहेर असल्याचा संशय आहे. सुदर्शन घुले हा हत्या प्रकरणातील मुख्य आरोपी आहे. त्यामुळे सीआयडीचा फोकस आता सुदर्शन घुलेवर आहे. त्याअनुषंगाने सुदर्शन घुले याच्या घरच्यांची आणि नातेवाईकांशी कसून चौकशी पोलिसांकडून करण्यात येत आहे. फरार तिन्ही आरोपीच्या नातेवाईकांची सीआयडीच्या अधिकाऱ्यांकडून चौकशी झाल्याची सूत्रांची माहिती आहे.