मनसे प्रमुख राज ठाकरे यांनी गुढीपाडव्या मेळ्यात बोलताना पुन्हा एकदा मराठी भाषेचे मुद्द्याला हात घालत बँका आणि इतर आस्थापनांमध्ये जाऊन तपासा मराठी भाषेचा वापर होतो आहे की नाही असे आदेश राज ठाकरेंनी आपले कार्यकर्त्यांनी दिले होते. दरम्यान मराठी भाषेच्या मुद्द्यावरून बँकेमध्ये मारहाणीची घटना देखील घडली होती. तसेच मंत्री उदय सामंत यांनी राज ठाकरे यांची भेट घेतल्यानंतर राज ठाकरेंनी मनसे कार्यकर्त्यांना पत्र लिहून हे आंदोलन आता थांबवायला हरकत नाही अशी सूचना दिली. यावर आता ठाकरे गटाचे खासदार संजय राऊत यांनी राज ठाकरे यांना टोला लगावला आहे.

संजय राऊत म्हणाले, त्यांनी त्यांच्या राजकारणाची परंपरा पाळली त्यांना शुभेच्छा आहेत परंपरा मी सांगायला पाहिजे का? मराठीचे आंदोलन म्हणणार नाही आम्हीपण आंदोलन केले आहेत. आम्ही पण लोकांच्या कानफटात मारली आहेत. बँका स्थापने राष्ट्रीय स्तरावर मराठी मूल्य यश मिळावी यासाठी क्लासेस चालविलेला आहेत. शिवसेना भवनात आम्ही मुलांची मानसिक तयारी केली आणि नंतर आम्ही आंदोलन केले असे संजय राऊत यांनी म्हटले आहे. दरम्यान पुढे बोलताना, संजय राऊत म्हणाले की, आम्ही कुणाच्या कानफाटात मारली तर ती एअर इंडियाच्या चेअरमनच्या. वॉचमनला नाही मारले. प्रमुखांच्या कानाखाली मारले पाहिजे. वॉचमनला मारून नाही होत. फडणवीस यांच्या कृपेने आंदोलन होत आहे त्यांनी कधी आंदोलन केले आहे का? असा सवालही संजय राऊत यांनी विचारला.