Virat Kohli: ऑस्ट्रेलियाविरुद्ध सीरीज खेळण्यास किंग कोहलीचा नकार, वनडे क्रिकेटमधून विराट घेणार निवृत्ती?

भारताचा माजी कर्णधार आणि स्टार फलंदाज विराट कोहलीने आंतरराष्ट्रीय कसोटी क्रिकेट आणि टी-२० क्रिकेटमधून निवृत्ती जाहीर केली. परंतु, कोहली वनडे क्रिकेट खेळत आहे. आयपीएल २०२५ च्या विजयानंतर विराट कोहली क्रिकेटच्या मैदानापासून दूर आहे. त्याचे चाहते त्याला ऑस्ट्रेलियाविरुद्धच्या वनडे सीरीजमध्ये खेळताना पाहण्यास उत्सुक आहे.

रेव्हस्पोर्टच्या रिपोर्ट्सनुसार, बीसीसीआय आणि विराट कोहली यांच्यात वनडे क्रिकेट खेळण्याबात अद्याप कोणतीही चर्चा झालेली नाही. टीम इंडियाचे मुख्य निवडकर्ती अजित आगरकर वनडे क्रिकेटमध्ये परतण्याबात कोहलीशी योग्यरित्या संपर्क साधू शकले नाही. यानंतर, विराट कोहली वनडे क्रिकेटमधूनही निवृत्ती जाहीर करणार असल्याच्या चर्चांना उधाण आले आहे.

विराट कोहली वनडे क्रिकेटमधून घेणार निवृत्ती?

विराट कोहलीच्या वनडे क्रिकेट खेळण्याबात अनेक प्रश्न उपस्थित होत आहेत. मीडिया रिपोर्ट्सनुसार, वनडे क्रिकेट खेळण्याबात बीसीसीआय आणि विराट कोहली यांच्यात कोणतीही चर्चा होऊ शकली नाही. बीसीसीआयने, विराट कोहली आणि विराट रोहित शर्मा यांनी ऑस्ट्रेलिया अ विरुद्ध वनडे सामना खेळावा, अशी इच्छा व्यक्त केली होती. परंतु, भारतीय अ संघामध्ये दोघांचीही निवड करण्यात आली नाही. आयपीएल २०२५ पासून विराट कोहली आणि रोहित शर्मा दोघांनीही एकही सामना खेळलेला नाही. विराट कोहली सध्या त्याच्या कुटुंबासोबत इंग्लंडमध्ये वेळ घालवत आहे.

विराटला वनडे मालिका खेळायची नाही ?

रेव्ह स्पोर्ट्सनुसार, विराट कोहली वनडे क्रिकेट खेळण्याबात मौन बाळगून आहे आणि ऑस्ट्रेलिया अ विरुद्ध मालिका खेळण्यास तयार नाही. तर, रोहित शर्मा या मालिकेत खेळू शकतो. ऑस्ट्रेलिया अ विरुद्धची वनडे मालिका ३० सप्टेंबरपासून सुरू होईल. दुसरा आणि तिसरा वनडे सामना ३ आणि ५ ऑक्टोबर रोजी खेळला जाईल. भारत आणि ऑस्ट्रेलिया यांच्यातील वनडे मालिका १९ ते २५ ऑक्टोबर दरम्यान खेळली जाईल. त्यानंतर, पाच सामन्यांची टी-२० मालिका २९ ऑक्टोबरपासून सुरू होईल आणि ८ नोव्हेंबरपर्यंत चालेल. ऑस्ट्रेलिया दौऱ्यासाठी टीम इंडियाची अद्याप घोषणा झालेली नाही.

रोहित- विराटने पास केली ब्रोंको टेस्ट

ऑस्ट्रेलियाविरुद्धच्या वनडे मालिकेपूर्वी रोहित शर्मा आणि विराट कोहली या दोघांनीही ब्रोंको टेस्ट आणि यो-यो टेस्ट पास केली आहे. दोन्ही खेळाडू पूर्णपणे फिट आहेत. रोहित आणि विराटचे नेटमध्ये सराव करतानाचे फोटोही समोर आले आहेत.