IND vs PAK: भारत- पाकिस्तान हायव्होटेज सामन्याचा आज पुन्हा थरार; फ्रीमध्ये कुठे पाहाल सामना?

IND vs PAK: आशिया कप २०२५ मध्ये आज पुन्हा एकदा भारत विरुद्ध पाकिस्तानच्या हायवोल्टेज सामन्याचा थरार रंगणार आहे. सुपर ४ मधील हा महामुकाबला दुबई आंतरराष्ट्रीय स्टेडियमवर खेळला जाणार आहे. भारतीय वेळेनुसार रात्री ८ वाजता सामन्याला सुरुवात होईल. दोन्ही कर्णधार अर्धा तास आधी म्हणजेच ७. ३० वाजता नाणेफेकीसाठी मैदानात उतरतील. टीम इंडियाने ग्रुप स्टेज सामन्यात पाकिस्तानला धूळ चारत स्पर्धेमध्ये विजयी सुरुवात केली. सामनादरम्यान, भारतीय खेळाडूंनी पाकिस्तानी खेळाडूंशी हस्तांदोलन करण्यास नकार दिला होता. यावर पाकिस्तानने आशियाकपमधून माघार घेण्याची धमकी दिली होती. परंतु, नेहमीप्रमाणे पाकिस्तानची पुन्हा एकदा नाच्चकी झाली. या हायव्होल्टेज सामना ड्रामाने भरपूर असून सर्वांचे लक्ष पुन्हा एकदा खेळाडूंमधील हस्तांदोलनावर असेल. या सामन्याची लाइव्ह स्ट्रीमिंग तुम्ही कुठे मोफत पाहू शकता, जाणून घ्या.

महामुकाबल्याची वेळ आणि ठिकाण

भारत आणि पाकिस्तान आज २१ सप्टेंबर रोजी पुन्हा एकदा भिडणार आहेत. हा सामना भारतीय वेळेनुसार ८ वाजता सुरु होईल तर कर्णधार ७. ३० वाजता नाणेफेकीसाठी मैदानात उतरतील. दुबई आंतरराष्ट्रीय स्टेडियमवर हा सामना खेळला जाणार आहे. आतापर्यंत, या मैदानावर टीम इंडियाने दमदार कामगिरी केली आहे.

टिव्हीवर कुठे पाहू शकता सामना?

आशिया कप २०२५ मधील हा हाय-प्रोफाइल सामना सोनी स्पोर्ट्स नेटवर्कच्या सर्व चॅनलवर थेट प्रसारित होईल. जर तुमच्याकडे सोनी स्पोर्टचे पॅकेज असेल तर तुम्ही या सामन्याचा पूर्ण आनंद घेऊ शकता.

मोबाईलवर पाहा महामुकाबला

जर तुम्ही मोबाईलवर सामना पाहत असाल तर तुम्ही SONY LIV अॅप वर लाइव्ह स्ट्रीमिंग पाहू शकता. पण यासाठी तुमच्याकडे सबस्क्रीबशन असणे गरजेचे आहे. तसेच जियो टिव्ही आणि एअरटेल एक्सट्रीम सारख्या प्लॅटफॉर्मवर सोनी स्पोर्ट्स चॅनल उपलब्ध आहेत जेथे तुम्ही मोफत सामना पाहू शकता.

फ्री-मध्ये कसा पाहाल सामना?

ज्यांच्याकडे सोनी लिव्हचा सबस्क्रिप्शन नाही ते देखील हा सामना मोफत पाहू शकतात. तुम्ही डी डी स्पोर्ट्सवर हा सामना मोफत पाहू शकता. दूरदर्शन फक्त भारताचे सामने मोफत प्रसारित करत आहे, त्यामुळे क्रिकेट चाहत्यांसाठी ही एक नक्कीच आनंदाची बातमी आहे.