भारत आणि पाकिस्तान सामन्यावरुन राज्याचे राजकारण चांगलेच तापले आहे. पाकिस्तानी विरोधात क्रिकेट खेळण्यासाठी ठाकरे गटाकडून जोरदार विरोध सुरू आहे. यावरूनच मुख्यमंत्री देवेंद्र फडणवीस यांनी मियाँदाद मातोश्रीवर आल्याची आठवण करून दिल्यानंतर आज ठाकरे गटाचे खासदार संजय राऊत यांनी फडणवीसांवर जोरदार पलटवार केला आहे. फडणवीस अर्धवट ज्ञानी असून त्यांचा गुडघ्यात सुद्धा मेंदू नाही, भाजपवाल्यांना सुद्धा मेंदू नाही अशा शब्दात संजय राऊत यांनी पलटवार केला. संजय राऊत म्हणाले, फडणवीसांनी ठाकरे चित्रपट पाहिला पाहिजे.

ठाकरेंच्या तेव्हाच्या मुलाखती देखील समजून घेतल्या पाहिजेत. जावेद मियाँदाद मातोश्रीवर बाळासाहेबांना भारत-पाकिस्तानला क्रिकेटला विरोध करू नका हे सांगण्यासाठी आला होता. मात्र बाळासाहेबांनी त्यांना चहा घ्या आणि निघून जा, दहशतवाद आणि क्रिकेट एकत्र चालणार नाही अशा शब्दात त्यांनी सांगितले होते. मात्र मिस्टर फडणवीस मोदींप्रमाणे बाळासाहेबांनी शेपूट घातली नव्हती. जर तुम्हाला सिंदूरची कदर असेल तर अशी विधाने करणार नाही अशा शब्दात संजय राऊत यांनी प्रहार केला. ते म्हणाले की तुम्ही आरशाची फॅक्टरी सुरू केली आहे. मात्र तुम्ही तुमच्या आरशामध्ये उघडे Xगडे दिसाल. तुम्ही फक्त इतकच सांगा पाकिस्तानविरुद्ध क्रिकेट खेळण्यासाठी तुमचा पाठिंबा आहे की नाही? पैशांसाठी तुम्ही पकड्यांसमोर शेपूट घातली असा जोरदार हल्लाबोल संजय राऊत यांनी फडणवीसांवर केला.