भाजप पदाधिकाऱ्याच्या घरात बॅग भरून पैसे, स्वतः निलेश राणेंनी केलं स्टिंग ऑपरेशन राणेंची धाड|VIDEO

स्थानिक स्वराज्य संस्थांच्या निवडणुकीच्या तोंडावर मालवणमध्ये मोठी खळबळ उडाली आहे. शिंदे गटाचे आमदार निलेश राणे यांनी भारतीय जनता पक्षाच्या एका स्थानिक पदाधिकाऱ्याच्या घरावर अचानक धाड टाकली आहे. घरातून संशयित रोख रक्कम आढळल्याचे दिसून येत आहे. या संपूर्ण घटनेचा लाईव्ह व्हिडिओ स्वतः निलेश राणे यांनी सोशल मीडियावर प्रसारित केला. प्रसारमाध्यमांसमोर त्यांनी हा प्रकार उघडकीस आणत भाजप पदाधिकाऱ्यांकडून निवडणुकीत पैशांचा वापर होत असल्याचा आरोप केला.

यावेळी निलेश राणे यांनी तत्काळ पोलिसांना तसेच निवडणूक अधिकाऱ्यांना घटनास्थळी बोलावले. निलेश राणे यांच्या या कारवाईमुळे मालवणच्या राजकारणात चांगलीच खळबळ माजली आहे.