Solapur Sangola bandh reason and political protest : आमदाराच्या घरावर हल्ला झाल्याप्रकरणी सोलापूरमधील सांगोल्याचे राजकारण पुन्हा एकदा तापले आहे. शेतकरी कामगार पक्षाकडून आज सांगोला बंदची हाक देण्यात आली आहे. शेतकरी कामगार पक्षाचे माजी आमदार गणपतराव देशमुखांच्या बंगलावर दारुच्या बाटल्या फेकल्याच्या निषेधार्थ बंदची हाक देण्यात आलीय. काल सांगोल्यात भाजप रॅलीत दरम्यान देशमुखांच्या घरावर दारुच्या बाटल्या फेकल्याचा आरोप करण्यात आला आहे. '

शेकापचे आमदार डॉ. बाबासाहेब देशमुख यांच्या बंगल्यावर शुक्रवारी भाजप रॅली दरम्यान दारू बाटल्या आणि दगड फेकल्याची घटना घडली होती. या घटनेच्या निषेधार्थ आज शेतकरी कामगार पक्षाच्या वतीने सांगोला बंदची हाक देण्यात आली आहे. आज सकाळ 10 वाजता आमदार बाबासाहेब देशमुख यांच्या उपस्थितीत निषेध मोर्चा काढण्यात येणार आहे. या घटनेमुळे सांगोल्यात ताणव निर्माण झाला आहे.