नागपुरात समृद्धी महामार्गावर प्रचंड वाहतूक कोंडी झाली आहे.समृद्धी महामार्गावर हजारो गाड्या अडकून पडल्या आहेत. शेतकरी कर्जमाफीच्या मागणीसाठी बच्चू कडूं यांच्या नेतृत्वाखाली राज्यभरातील शेतकरी आणि प्रहार कार्यकर्त्यांनी नागपुरात चक्काजाम आंदोलन सुरू केलं होते. या आंदोलनाचा फटका सर्वसामान्यांना बसलेला आहे कर्जमाफीसाठी गेल्या अनेक दिवसांपासून बच्चू कडू आक्रमक झाले आहेत.गेले तीन दिवस ते नागपुरात आहेत.लवकरात लवकर सरकारने निर्णय घ्यावा अशी त्यांची भूमिका आहे. या अंदोलनामुळे आंदोलनकर्त्यांनी नागपूर-वर्धा आणि जबलपूर-हैदराबाद महामार्गासह इतर चार महामार्ग रोखून धरले होते. त्यामुळे वाहनांच्या लांबच लांब रांगा लागल्याने प्रवाशांचे हाल झाले आहेत. तसेच माहामार्ग रोखल्याने वाहन चालकांना मोठा फटका बसला आहे.