थोडं धाडस दाखवुन धनंजय मुंडे यांनी राजीनामा द्यावा, या प्रकरणात नैतिकता दाखवण्याची गरज आहे, अशी खरमरीत टीका राष्ट्रवादी कॉंग्रेस शरद पवार गटाचे आमदार रोहित पवार यांनी केली. संतोष देशमुख हत्या प्रकरणानंतर मंत्री धनंजय मुंडे यांच्यावर विरोधकांकडून जोरदार टीका होत आहे. तसंच त्यांच्या राजीनाम्याची देखील मागणी केली जात आहे. या प्रकरणाचा तपास पूर्ण होत नाही तोवर मुंडे यांनी राजीनामा द्यावा होत असतानाच आता रोहित पवार यांनी देखील यावर भाष्य केलं आहे. लोणंद येथे ते पत्रकारांशी बोलत होते.

पुढे बोलताना रोहित पवार म्हणाले की, हिंदी बोलताना शब्द चुकला होता, तेव्हा आर. आर. पाटील यांनी राजिनामा दिला होता. तसंच अजित पवार माजी मुख्यमंत्री विलासराव देशमुख यांनी ही राजीनामा दिला होता. यामुळं त्यांचा जो पक्ष आहे त्याचे नेते दादा आहेत. त्यावेळी दादांनी ही अशी नैतिकता दाखवली होती त्यांच्या पक्षातील नेत्याच्या कार्यकरत्यावर आरोप होत आहेत. यामुळं त्यांनी नैतिकता दाखवुन दाखवुन राजीनामा द्यावा नैतिकता दाखवायला धाडस लागतं ते त्यांच्या नेत्यांमध्ये नाहीये, असं वक्तव्य आमदार रोहीत पवार यांनी साताऱ्यातील लोणंद येथे केली आहे.