आजची रात्र खगोल निरीक्षकांसाठी आणि आकाशप्रेमींसाठी खूप खास असणार आहे.आज वर्षातील सर्वात सुंदर खगोलीय घटना आकाशात दिसणार आहे. जून महिन्याच्या शेवटच्या पौर्णिमेच्या दिवशी आकाशात ‘स्ट्रॉबेरी मून’ म्हणजेच गुलाबी छटेचा पूर्ण चंद्र दिसणार आहे. ही परिस्थिती दर १८.६ वर्षांनी एकदाच येते. त्यामुळे आजचा चंद्रप्रकाश दुर्मिळ ठरणार आहे. या आधी असा चंद्र 2005 मध्ये दिसला होता आणि पुढील संधी 2043 मध्ये मिळेल.

यावर्षी चंद्र पृथ्वीपासून सर्वात दूर अंतरावर असेल, त्यामुळे तो नेहमीपेक्षा थोडा लहान आणि कमी दिसणार आहे . ‘स्ट्रॉबेरी मून’ हे नाव जुन्या अमेरिकन स्थानिक जमातींकडून आले असून, या काळात स्ट्रॉबेरी फळांची कापणी होत असल्यामुळे या चंद्राला हे नाव देण्यात आले आहे .

ही खगोलीय घटना आज रात्री ७ नंतर आकाशात स्पष्टपणे पाहता येणार आहे. विशेष साधनेशिवायही उघड्या डोळ्यांनी किंवा दुर्बिणीतून याचा अनुभव येणार आहे.रात्री आकाश निरभ्र असल्यास 'स्ट्रॉबेरी मून' चे सौंदर्य अधिकच खुलून दिसणार आहे.