रणजीत माजगावकर, कोल्हापूर | साम टीव्ही
स्वाभिमानी शेतकरी संघटनेत फूट पडली आहे. कोल्हापूर जिल्हाध्यक्ष वैभव कांबळे यांनी पदाचा राजीनामा दिला आहे. राजू शेट्टी यांनी विधानसभा निवडणुकीत विश्वासात घेतला नाही, असा आरोप त्यांनी केला आहे.
ऐन विधानसभा निवडणुकीच्या रणधुमाळीत राजू शेट्टी यांना मोठा धक्का बसला आहे. स्वाभिमानी शेतकरी संघटनेत मोठी फूट पडली आहे. स्वाभिमानी शेतकरी संघटनेचे नेते आणि कोल्हापूर जिल्हाध्यक्ष वैभव कांबळे यांच्यासह अनेक कार्यकर्त्यांनी सोडचिठ्ठी दिली आहे. विधानसभा निवडणुकीत भूमिका घेत असताना राजू शेट्टी यांनी कोणालाच विश्वासात घेतलं नाही, असा गंभीर आरोप कांबळे यांनी केला.
स्वाभिमानी शेतकरी संघटनेचे जिल्हाध्यक्ष वैभव कांबळे यांनी आपल्या छातीवरचा बिल्ला काढत पदाचा राजीनामा देत असल्याचे जाहीर केले. त्यांनी आपला राजीनामा हा राजू शेट्टी यांच्याकडे पाठवला आहे. राजू शेट्टी हे हुकूमशाही पद्धतीने संघटनेत काम करत असल्याचा आरोप यावेळी करण्यात आला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.