Raj Thackeray and Uddhav Thackeray : हिंदी सक्तीचा जीआर रद्द झाल्याच्या पार्श्वभूमीवर, राज ठाकरे आणि उद्धव ठाकरे एकत्र येऊन ५ जुलैला विजयी मेळावा घेणार आहेत.. मराठीद्रोहींचा फणा दाबल्याची प्रतिक्रिया उद्धव ठाकरेंनी दिली...तसेच हा मेळावा मराठी माणसांच्या एकजुटीचा आणि विजयाचा उत्सव असणार असल्याचं ठाकरेंनी म्हटलंय..

ठाकरेंचा ५ जुलै २०२५ रोजी वरळीत 'मराठी विजय दिवस' साजरा होणार आहे. मराठी माणसाच्या एकजुटीचे दर्शन घडवण्यासाठी हा भव्य मेळावा आयोजित करण्यात येत असल्याचे शिवसेनेकडून सांगण्यात आलेय. मराठीद्रोह्यांनी पुन्हा डोके वर काढू नये, यासाठी एकजुटीची गरज असल्याचे मत या मेळाव्याच्या नियोजनातून व्यक्त होत आहे. हिंदी सक्तीविरोधात मराठी माणसाने पुकारलेल्या एल्गारामुळे सरकारला शासकीय आदेश मागे घ्यावा लागला, हा विजय साजरा करण्यासाठी हा मेळावा आहे. वरळीतील या मेळाव्याची तयारी जोरात सुरू असून, बैठका आणि नियोजनाला वेग आला आहे. मराठी भाषा, संस्कृती आणि अस्मितेचा जागर करण्यासाठी हजारो मराठी बांधव एकत्र येणार आहेत. हा मेळावा मराठी एकजुटीचे प्रतीक ठरेल, अशी अपेक्षा आहे. मराठी माणसाच्या या लढ्याला बळ देण्यासाठी सर्वांनी वरळीत उपस्थित राहावे, असे आवाहन आयोजकांनी केले आहे.