मीरा रोड येथील एका व्यावसायिकाने मराठी बोलण्यास नकार दिल्याने मनसेने त्याला दणका देत चोप दिला होता. त्यानंतर तेथील व्यावसायिकांनी एकत्र येत मनसे विरोधात मोर्चा काढला. यावरून मराठी आणि अमराठी वाद हा अधिकच चिघळला. यानंतर मनसेने त्याला प्रत्युत्तर म्हणून मनसेने पुन्हा मोर्चा काढला. या मोर्चा दरम्यान मोठा राडा देखील झाला होता. काल राज ठाकरे यांनी तेथे सभा घेत पुन्हा अमराठी लोकांना इशारा दिला. यावेळी त्यांनी महाराष्ट्रात अ मराठी व्यावसायिकांना, परप्रांतीय नागरिकांना मराठी आलीच पाहिजे मराठी शिकलीच पाहिजे असे सभेतून सांगितले. त्यानंतर साम टीव्हीने आज मीरा रोड परिसरात मराठी भाषेबाबत जनतेशी तसेच व्यावसायिकासोबत संवाद साधला.