मुंबई: राज ठाकरेंनी आपल्या भाषणादारम्यान एक बाळासाहेब ठाकरेंसोबतचा एका किस्सा सांगितला. 1999 साली शिवसेना भाजप सरकार येणार नाही अशी परिस्थिति होती. शरद पवारांनी स्वतःचा राष्ट्रवादी पक्ष स्थापन केला होता. वेगवेगळे निवडणूक लढले होते. शिवसेना आणि भाजपच्या वादामध्ये काही तोडगा निघत नव्हता. एक दिवशी मी मातोश्रीच्या खाली बसलो होतो, अचानक दोन गाड्या आल्या. प्रकाश जावडेकर आणि काही लोक आली. मला म्हणाले, आताच बाळासाहेबांना भेटायचे आहे. मात्र, त्यावेळी बाळासाहेब झोपले होते. मी त्यांना बोललो की ते झोपले आहे.

आता नाही भेटणार तुमचा काय निरोप असेल तर मी सांगतो. तर ते म्हणाले, सुरेश जैन यांना मुख्यमंत्री बनवायचे आमचे ठरलं आहे. एवढं फक्त बाळासाहेबांना सांगायचे आहे, तर मी वरती गेलो ते गाढ झोपले होते. मी त्यांना उठवले ए काका उठ.. ते म्हणाले काय रे तर मी त्यांना संगीतले की काका खाली जावडेकर आणि भाजपची मंडळी आली आहे. ते म्हणताय की सुरेश जैन यांना मुख्यमंत्रीपदासाठी नावाला आम्ही पाठिंबा दिला आहे.

त्यावेळी बाळासाहेबांनी माझ्याकडे बघितले आणि म्हणाले, त्यांना सांग महाराष्ट्राचा मुख्यमंत्री फक्त मराठी माणूस होईल दुसरे कोण होणार नाही. मराठीसाठी बाळासाहेबांनी सत्तेवर लाथ मारली आणि तेच संस्कार आमच्यावर झाले.