Thackeray Protest : महाराष्ट्रातील निवडणूक व्यवस्थेतील त्रुटी आणि मुख्य निवडणूक आयुक्त ज्ञानेश कुमार यांच्या कारभाराविरोधात महाराष्ट्र नवनिर्माण सेना (मनसे) आणि शिवसेना (उद्धव बाळासाहेब ठाकरे) पक्ष एकत्र आले आहेत. येत्या ४ ऑक्टोबर रोजी या दोन्ही पक्षांकडून संयुक्तपणे एका भव्य मोर्चाचे आयोजन करण्यात येणार आहे.

मनसे प्रमुख राज ठाकरे यांनी सोशल मीडियाद्वारे या मोर्चाची माहिती दिली. आज सकाळीच ठाकरे गटाचे खासदार संजय राऊत यांनी राज ठाकरे यांची भेट घेतली, त्यानंतर ही मोठी घोषणा करण्यात आली.

हा मोर्चा केवळ एका पक्षाचा नसून लोकशाहीच्या संरक्षणासाठी तमाम जनतेचा आणि राजकीय व्यवस्थेचा आवाज ठरेल, असा विश्वास राज ठाकरे यांनी व्यक्त केला आहे. यासाठी सर्वच राजकीय पक्षांना मोर्चामध्ये सहभागी होण्याचे आवाहन केले जाणार आहे.