पुण्यातील पोर्शे कार अपघात प्रकरणात एक मोठी अपडेट समोर येतेय. आरोपी अल्पवयीन तरुणाच्या आईला जामीन मंजूर करण्यात आलाय. तरुणाचे रक्त बदलल्या प्रकरणी आई शिवानी अगरवाल यांच्यावर कारवाई करण्यात आली होती. येरवडा कारागृहात त्या शिक्षा भोगत होत्या. जवळपास १० महिन्यांनी शिवानी अगरवाल यांना जामीन मिळालाय.

पुण्यात गेल्या वर्षी भयंकर कार अपघात झाला होता. या अपघाताला कारणीभूत ठरलेल्या आरोपी मुलाच्या आईला पोलिसांनी अटक केली होती. तिची शनिवारी तुरुंगातून सुटका झाली. सुप्रीम कोर्टाने चार दिवसांपूर्वीच तिला जामीन दिला होता. शिवानी अगरवाल या १० महिने तुरुंगात होत्या.

पोर्शे अपघातातील आरोपी अल्पवयीन मुलाचे रक्त बदलल्याचा आरोप त्यांच्यावर होता. या प्रकरणी त्यांना अटक झाली होती. सुप्रीम कोर्टाकडून जामीन मिळाल्यानंतर आज, शनिवारी दुपारच्या सुमारास त्यांची पुण्यातील येरवडा मध्यवर्ती कारागृहातून सुटका झाली. त्यानंतर त्या पुढील कायदेशीर प्रक्रिया पूर्ण करण्यासाठी पोलीस ठाण्याकडे रवाना झाल्या होत्या.