पुणे Hit And Run प्रकरणी मोठी अपडेट समोर आली आहे. कल्याणी नगर अपघातातील पॉर्शे कारमध्ये तांत्रिक बिघाड होता. असं असतानाही विशाल अग्रवाल याने ती गाडी मुलाच्या ताब्यात दिल्याची बाब उघड झाली आहे. इतकंच नाही तर मुलानं गाडी चालवायला मागितली तर त्याला चालवू दे. तू बाजूला बस, अशी सूचना विशाल अग्रवाल याने त्याच्या चालकाला दिली होती, असं पोलिसांनी न्यायालयात सांगितलं. दरम्यान आरोपी अग्रवालला न्यायालयाच्या आदेशानुसार २४ मेपर्यंत पोलीस कोठडीत ठेवण्यात येणार आहे.