पुणे : पुण्यात अवघ्या दोन दिवसांत तीन गोळीबाराच्या घटना घडल्या आहेत. पुण्यातील सिंहगड रोड पोलीस ठाण्याच्या हद्दीत भुमकर चौक परिसरात आज पहाटे अडीच वाजताच्या सुमारास एक व्यक्तीवर गोळ्या झाडण्यात आल्या. गणेश गायकवड (रा. वारजे) असे त्याचे नाव आहे. माचीस मागीतल्याच्या कारणातून हा गोळीबार झाल्याची प्राथमिक माहिती आहे. या वादाचा व्हिडीओ आता समोर आला आहे. मिळालेल्या माहितीनुसार, रात्री 1 वाजता गणेश हा दारू घेण्यास नवले ब्रिज येथे चैतन्य बार ठिकाणी आला. त्यावेळी त्या ठिकाणी आरोपीही जमले होते. त्याने सहज माचीस आहे का विचारले आणि यावरून त्यांच्यात वाद झाले. याच वादातून आरोपीने गोळी झाडली. ती गोळी गणेश याच्या खांद्याला लागली यात तो जखमी झाला. पोलिसांकडून या संपूर्ण प्रकरणाचा तपास सध्या सुरू आहे.