पुण्यात गुन्हे शाखेतील पोलिसावरच हल्ला झाल्याची धक्कादायक घटना समोर आली आहे. गुन्हे शाखा युनिट ३ मध्ये कार्यरत असलेले अमोल काटकर यांच्यावर लॉ कॉलेज रोड परिसरात मध्यरात्री हल्ला करण्यात आला आहे. ड्यूटी संपवून घरी जात असताना रात्री १ च्या सुमारास बाईक वरुन जाणाऱ्या दोघांनी काटकर यांच्या डोक्यात कोयत्याने वार केले. कट मारल्याच्या वादात हा प्रकार झाल्याची प्राथमिक माहिती आहे. या हल्यात काटकर गंभीर जखमी झाले असून, त्यांना तातडीने सह्याद्री हॉस्पीटल येथे ऍडमीट करण्यात आले आहे. या घटनेमुळे पोलीस सुरक्षेवर प्रश्नचिन्ह उभे झाले आहे.