राज्यातला आणखी एक प्रकल्प राज्याबाहेर जाणार आहे. नागपूरमधला 18 हजार कोटींचा प्रकल्प गुजरातमध्ये नेण्याचा घाट घातला जातो आहे. बुटीबोरीमध्ये येणारा हा प्रकल्प गुजरातमध्ये जाणार असल्याची चर्चा आहे. या प्रकल्पामुळे 3 हजार तरूणांना रोजगार मिळणार होता. मात्र हा प्रकल्प गुजरातला जाणार असल्याचं बोललं जात आहे.

गेल्या काही दिवसात राज्यातले बरेच प्रकल्प ही गुजरातला गेले आहेत. ही प्रकल्प पळवले गेल्याच आरोप विरोधकांकडून करण्यात येत असतो. आता यात आणखी एका प्रकल्पाची भर पडली आहे. त्यामुळे राज्यातल्या तरूणांना मिळणाऱ्या रोजगाराच्या संधी कमी होत आहेत. त्यातच आता आणखीन एक मोठा प्रकल्प राज्यातून बाहेर जाणार असल्याचं समजत आहे. नागपूरच्या बुटीबोरीमध्ये येणारा हा प्रकल्प गुजरातमध्ये जाणार असल्याची चर्चा आहे. 18 हजार कोटींचा हा प्रकल्प आहे. त्यामुळे पुन्हा एकदा रोजगाराच्या शोधत असलेल्यांची निराशा होणार आहे.