नवी दिल्ली : टीम इंडिया मायदेशी परतली आहे. टीम इंडिया बारबोडासहून विश्वकप जिंकत मायभूमीत परतली आहे. टीम इंडियाचं गुरुवारी सकाळी ६ वाजता दिल्लीच्या आयजीटी विमानतळावर स्वागत झालं. त्यानंतर पंतप्रधान मोदींनी टीम इंडियाची भेट घेतली. या भेटीचा व्हिडिओ सोशल मीडियातून समोर आला आहे.

टीम इंडियाच्या खेळाडूंची भेट झाल्यानंतर पंतप्रधान मोदींनी त्यांचं अभिनंदन केलं. तसेच पंतप्रधान मोदींनी सर्व खेळाडूंशी संवाद साधला. यावेळी कर्णधार रोहित शर्मा आणि मुख्य प्रशिक्षक राहुल द्रविड यांनी पंतप्रधान मोदी यांना विश्वचषक सोपवला. समोर आलेल्या व्हिडिओमध्ये पंतप्रधान नरेंद्र मोदी हे विराट कोहली, रोहित शर्मा, जसप्रीत बुमराह, सूर्यकुमार यादव यांच्याशी बोलताना दिसत आहे.