ओबीसी नेते आणि मंत्री छगन भुजबळ यांच्या उपस्थितीमध्ये आज बीडमध्ये ओबीसींचा महाएल्गार मेळावा होत आहे. हा मेळावा उधळून लावण्याची आणि मंत्री छगन भुजबळ यांनी बीडमध्ये येताना राजीनामा देऊनच यावा असा इशारा मराठा आंदोलक मनोज जरांगे पाटील यांचे सहकारी गंगाधर काळकुटे यांनी दिला होता. त्यांनी इशारा दिल्यानंतर पोलिसांकडून नोटीस देण्यात आली आहे. नोटीस देत त्यांना शांतता राखण्याचे आवाहन करण्यात आले. मात्र 'आम्ही आमच्या भूमिकेवर ठाम आहोत. भुजबळांनी बीडमध्ये येताना राजीनामा देऊनच या.', असा पुन्हा एकदा इशारा गंगाधर काळकुटे यांनी दिला आहे.