भारत आणि पाकिस्तानमधील युद्ध संघर्षाला विराम लागल्यानंतर पंतप्रधान नरेंद्र मोदी यांनी काल देशाला संबोधित करत पाकिस्तानला इशारा दिला. त्यानंतर आज पंतप्रधान नरेंद्र मोदी अचानक आदमपूर एअरबेसला भेट दिली आणि त्यांनी तिथे सैन्य दलातील जवानांची भेट घेऊन ऑपरेशन सिंदूर यशस्वीरित्या पार पाडले यामुळे त्यांचे अभिनंदन केले.

प्राप्त झालेल्या माहितीनुसार पंतप्रधान मोदींनी सैनिकांसोबत 6 मे च्या मध्यरात्री केलेल्या ऑपरेशन सिंदूरबद्दलही चर्चा केली. पंतप्रधान मोदींची ही भेट विशेष मानली जाते याचे कारण म्हणजे पाकिस्तानने हा एअरबेस उडवल्याचा दावा केला होता. मात्र हा स्वतः पीएम मोदी येथे गेल्यामुळे पाकिस्तानचा हा दावा फोल ठरला आहे. पंतप्रधान मोदींनी आपल्या सोशल मीडिया अकाऊंटवर या भेटीचे काही फोटोही शेअर केले आहे.