समाज कल्याण विभागाच्या मुलीच्या वस्तीगृहातील खोलीत पिझ्झचा बॉक्स आढळून आल्याने वस्तीगृहातील चार विद्यार्थिनींना एक महिन्यासाठी वस्तीगृहातील प्रवेश रद्द करण्यात आल्याचं नोटीस, वस्तीगृहातील गृहप्रमुख मीनाक्षी नरहारे यांनी दिली होतं. पिंपरी चिंचवडच्या समाजकल्याण वसतिगृहात ही कारवाई करण्यात आली आहे.

मात्र याविषयी साम टीव्ही न्यूजवर बातमी प्रसारित झाल्यानंतर वस्तीगृहातील गृह प्रमुख मीनाक्षी नरहरे यांनी आता नवा खुलासा केला आहे. बाहेरील खाद्यपदार्थ खाल्ल्यामुळे विद्यार्थ्यांना विषबाधा होऊ शकते तसेच जीबीएस या आजाराच्या पार्श्वभूमीवर विद्यार्थ्यांना समज म्हणून ही नोटीस देण्यात आली होती. मात्र प्रत्यक्षात त्यांच्यावर कोणतीही कारवाई करण्यात आली नाही. नोटीस देण्यात आलेल्या चारही विद्यार्थिनी ह्या वस्तीगृहातच राहत आहेत आणि त्यांचं दैनंदिन शिक्षण घेत आहेत, असा दावा वस्तीगृहाच्या गृहप्रमुख मीनाक्षी नरहरी यांनी केला आहे.