परळी नगरपरिषद निवडणुकीत राजकीय घडामोडींना वेग आला आहे. आज उमेदवारी अर्ज दाखल करण्याचा शेवटचा दिवस असून, राष्ट्रवादी काँग्रेस (शरद पवार गट) यांच्या वतीने संध्या दीपक देशमुख यांनी नगराध्यक्षपदासाठी उमेदवारी अर्ज दाखल केला आहे.

या उमेदवारीमुळे परळीतील राजकीय वातावरण तापले आहे. विशेष म्हणजे, मंत्री पंकजा मुंडे आणि आमदार धनंजय मुंडे या दोन्ही बहीण-भावांची प्रतिष्ठा या निवडणुकीत पणाला लागली आहे. दोघांमध्ये चर्चा सुरू असतानाच संध्या देशमुख यांच्या अर्जाने अचानकच नवे समीकरण निर्माण झाले आहे. आगामी काळात परळी नगर परिषदेत सत्तासंघर्ष आणखी तीव्र होण्याची शक्यता वर्तवली जात आहे. नगराध्यक्षपदासाठीच्या या लढतीत कोण बाजी मारणार, याकडे सर्वांच्याच नजरा लागल्या आहेत.