पालघर जिल्ह्यातील धनसार एमआयडीसी परिसरात मध्यरात्रीच्या सुमारास भीषण आग लागल्याची घटना समोर आली आहे. प्लॅटिनम पॉलिमर्स या कंपनीला रात्री अंदाजे तीन वाजताच्या सुमारास अचानक आग लागली.आग लागल्यानंतर परिसरात एकच खळबळ उडाली. घटनास्थळी तातडीने अग्निशमन दलाच्या गाड्या दाखल झाल्या आणि शर्थीचे प्रयत्न करून त्यांनी आगीवर नियंत्रण मिळवले.

सुदैवाने या आगीत कुठलीही जीवितहानी झालेली नाही, अशी प्राथमिक माहिती प्रशासनाकडून देण्यात आली आहे. मात्र कंपनीचे मोठ्या प्रमाणात आर्थिक नुकसान झाल्याचा अंदाज वर्तवला जात आहे.या आगीचं नेमकं कारण अद्याप स्पष्ट झालेलं नसले तरी प्राथमिक अंदाजानुसार शॉर्ट सर्किटमुळे ही आग लागल्याची शक्यता व्यक्त केली जात आहे. अधिक तपास आणि पंचनामा सुरू असल्याचं सूत्रांनी सांगितल आहे.