लोकसभेमध्ये भाषांतर यंत्रणेमध्ये आलेल्या तांत्रिक बिघाडाच्या पार्श्वभूमीवर, तामिळनाडूच्या खासदारांनी भाजप खासदार निशिकांत दुबे यांना इंग्रजीत बोलण्याची विनंती केली. त्यावर प्रतिक्रिया देताना भाजप खासदार म्हणाले, तुम्ही मला तामिळ किंवा बंगाली बोलायला सांगितलं असतं, तर जास्त बरं झालं असतं. इंग्रजी ही विदेशी भाषा आहे आणि तुम्ही ती बोलण्याचा आग्रह धरता, हेच तुमच्या मानसिकतेचं प्रतीक आहे. कुणीतरी इथे अर्धा तास बंगालीत बोललं, पण तामिळनाडूच्या खासदारांनी त्यावर आक्षेप घेतला नाही. तुम्हाला फक्त हिंदीशीच प्रॉब्लेम आहे. काँग्रेस आणि त्यांच्या सहकाऱ्यांना ना उत्तर भारतीय आवडतात, ना हिंदी. तुम्ही जर सतत इंग्रजीचंच प्रमोशन करत राहिलात, तर एक दिवस आपण इंग्लंड होऊ. 'हम फिर से गुलाम हो जायेंगे' असे निशिकांत दुबे म्हणाले.